Jyl basynan 22 myńnan astam adamnyń eńbek quqyǵy qorǵaldy - mınıstr
ASTANA. KAZINFORM — 2026 jyly memlekettik eńbek ınspektsııasy 2400-den astam jospardan tys tekserý júrgizdi. Bul týraly Úkimet otyrysynda Eńbek jáne halyqty áleýmettik qorǵaý mınıstri Asqarbek Ertaev málim etti.
- Eńbek zańnamasyn saqtaý jáne azamattardyń eńbek quqyqtaryn qorǵaý maqsatynda 2026 jyly memlekettik eńbek ınspektsııasy 2400-den astam jospardan tys tekserý júrgizdi. Tekserý is-sharalarynyń qorytyndysy boıynsha eńbek zańnamasyn buzýdyń 2800-ge jýyq deregi anyqtaldy. Oryndalýǵa mindetti 1 630 nusqama berildi. Qabyldanǵan sharalardyń nátıjesinde 22 myńnan astam jumyskerdiń eńbek quqyǵy qorǵaldy, - dedi A. Ertaev.
Onyń atýynsha, eńbek qaýipsizdigi jáne eńbekti qorǵaý salasynda atqarylyp jatqan jumystar óndiristik jaraqattaný deńgeıin azaıtýǵa kómektesedi. 2024 jylmen salystyrǵanda óndiristegi jazataıym oqıǵalar sany 4,5%-ǵa tómendedi (1408 jaǵdaıdan 1345 jaǵdaıǵa deıin). Al, ólimge ákelgen jazataıym oqıǵalar sany shamamen 8%-ǵa azaıdy (202 jaǵdaıdan 188 jaǵdaıǵa deıin).
- Zardap shekkenderdiń eń kóp úlesi taý-ken metallýrgııa kesheni (16%), qurylys salasy (10%) jáne munaı-gaz sektory (5%) kásiporyndarynda baıqaldy, - dedi mınıstr.
Buǵan deıin habarlanǵandaı, Asqarbek Ertaev 480 myńǵa jýyq adam eńbek jaǵdaılary zııandy jáne qaýipti jumystarda isteıtinin aıtty.
