Jyl basynan 130-ǵa jýyq astanalyq AITV juqtyrǵan
ASTANA. KAZINFORM — Jyl saıyn mamyrdyń úshinshi jeksenbisinde halyqaralyq deńgeıde JITS-ten qaıtys bolǵan adamdardy eske alady, dep habarlaıdy Astana ákimdigi «AITV-ınfektsııasynyń aldyn alý ortalyǵy» MKQK.
Bıyl ataýly kún 18 mamyr kúni atylyp ótedi.
Astana qalasynyń AITV-ınfektsııasynyń aldyn alý ortalyǵy JITS-ten qaıtys bolǵan adamdardy eske alý kúni qoǵamnyń nazaryn AITV-ınfektsııasynyń aldyn alý máselelerine taǵy da aýdarý úshin mańyzdy kún dep sanaıdy.
— AITV-ınfektsııasynyń jáne opportýnıstik aýrýlardyń aldyn alý, dıagnostıkalaý jáne emdeýdiń tıimdi quraldaryna qoljetimdilikti keńeıtýdiń, kútim jáne qoldaý baǵdarlamalaryn engizý nátıjesinde AITV-ınfektsııasy terapııaǵa jaramdy sozylmaly aýrýlar sanatyna ótip, AITV-men ómir súrý uzaqtyǵy arta tústi, — delingen habarlamada.
Astana qalasynda AITV-ınfektsııasyn ýaqtyly jáne erte anyqtaý men emdeý, sondaı-aq aýrýdyń taralý qarqynyn tómendetý úshin birqatar emdeý-aldyn alý sharasy qabyldanyp jatyr. Immýndyq júıeniń jaǵdaıyn ýaqtyly baqylaýǵa jáne qaıtalama ınfektsııalardyń damýyn boldyrmaýǵa múmkindik beretin AITV-ınfektsııasyn erte anyqtaý maqsatynda halyqtyń AITV-ǵa testileýge keń qoljetimdiligi qamtamasyz etildi. Máselen, 2025 jyldyń 4 aıynda 160 myńnan astam adam AITV-ınfektsııasyna tekserildi. Jalpy halyqty testileýmen qamtý 12%-dy qurady.
Úkimettik emes JITS servıstik uıymdarda halyqtyń negizgi toptarynyń ókilderin ınvazıvti emes ekspress-testterdiń kómegimen jedel testileý engizildi.
— Sońǵy 10 jylda antıretrovırýstyq terapııamen qamtý 5 esege artty, esepte turǵandar sanynyń 93%. AITV-nyń anadan balaǵa berilýiniń deńgeıi 1%-dan (0,5%) aspaıdy. Bul jańa týǵan náresteler arasynda AITV-men syrqattaný qaýpin aıtarlyqtaı tómendete túsedi. ARV-terapııasyna qoljetkizý sapasynyń artýy nátıjesinde JITS-ten bolatyn ólim-jitim kórsetkishiniń ósýine jol berilmedi, — dep atap ótti ortalyqtyń baspasóz qyzmeti.
Osy ataýly kúnge baılanysty AITV-ınfektsııasynyń aldyn alý ortalyǵy Qoǵamdyq densaýlyq saqtaý basqarmasymen, úkimettik emes uıymdarmen, Jastar densaýlyq ortalyqtarymen, sondaı-aq Salaýatty ómir saltyn qalyptastyrý ortalyǵymen birlesip ashyq esik kúnin ótkizedi. 16 mamyrda «Han Shatyr» SOO-da halyqqa arnalǵan aktsııa, QazATÝ stýdentterine arnalǵan aktsııa jáne AITV-ınfektsııasynyń aldyn alý boıynsha is-sharalar ótkiziledi.
Aıta keteıik, Astana qalasy boıynsha 2025 jylǵy 4 aıda AITV-ınfektsııasynyń 130 jaǵdaıy tirkeldi, onyń ishinde 60%-y — 20-39 jas aralyǵyndaǵy adamdar.
Buǵan deıin Qyzylordadaǵy AITV-ınfektsııasyn juqtyrý oqıǵasynan keıin buıryqqa ózgeris engiziletini aıtyldy.