Jyl aıaǵyna deıin aýyl sharýashylyǵyna jaramdy jerlerdiń tsıfrlyq kartasy ázirlenedi

ASTANA. KAZINFORM – Premer-mınıstr Oljas Bektenov Úkimet otyrysynda jyl aıaǵyna deıin aýyl sharýashylyǵyna jaramdy jerlerdiń tsıfrlyq kartasyn ázirleýdi tapsyrdy.

— Búginde mal sharýashylyǵy, ósimdik sharýashylyǵy, turaqtandyrý qorlary men qoımalardaǵy astyq pen ónim qorlaryn esepke alý, topyraqtyń ylǵaldylyǵyn anyqtaý jáne veterınarııalyq qaýipsizdikti qamtamasyz etý baǵytynda statıstıkalyq derekterdiń naqtylyǵy ózekti problema kúıinde qalyp otyr. Sol úshin esepke alý júıesin tolyq tsıfrlandyrý arqyly sheshý kerek.

Qoıylǵan tapsyrmalardy iske asyrý úshin aýyl sharýashylyǵy salasynda ınnovatsııalyq sheshimderdi ázirleıtin otandyq IT-kompanııalardy yntalandyrý qajet, - dedi Premer-mınıstr.

Sondaı-aq ol jyl aıaǵyna deıin aýyl sharýashylyǵyna jaramdy jerlerdiń tsıfrlyq kartasyn ázirleýdi tapsyrdy.

— Ákimdiktermen birge osy jyldyń 1-shi qyrkúıegine deıin ósimdik sharýashylyǵynda qadaǵalap otyrý júıesin ázirleý jumystaryn aıaqtasyn. Bıyl ulttyq aýyl sharýashylyǵy sanaǵyn júrgizý josparlanyp otyr. Sanaq qortyndysynyń nátıjelerin tolyq tsıfrlandyryp, oǵan taldaý júrgizý qajet. Sodan keıin derekter bazasy únemi jańartylyp otyrýǵa tıis, - dedi Oljas Bektenov.

Sonymen qatar búgin Energetıka mınıstrligi kóktemgi egis maýsymyna dızel baǵasyn usyndy.