Jyl aıaǵyna deıin Astanadaǵy kólik aǵynyn JI arqyly retteıtin júıe ázirlenedi

ASTANA. KAZINFORM — Astana kóshelerinde kún saıyn 550-600 myń kólik qatynaıdy. Premer-Mmınıstr Oljas Bektenovtiń Májilis depýtatynyń saýalyna joldaǵan jaýabynda osyndaı derek aıtylǵan.

— Qazirgi jaǵdaı boıynsha qalanyń jol-kóshe jelisine kún saıyn shyǵatyn avtokólik sany 550-600 myńdaı. Kólik aǵynynyń barynsha údemeli qozǵalysy Mágilik El, Qabanbaı batyr, Turǵan dańǵyldary men Saraıshyq, Qonaev kóshelerinde tirkelip otyr. Qazir kólik keptelisterin keshendi turǵyda sheshý úshin qalanyń Esil aýdany boıynsha derekter jınastyrylyp jatyr, — dep jazylǵan jaýapta.

Osy derekter negizinde kólik aǵynyn jasandy ıntellekt kómegimen retteıtin model daıyndalmaq.

— Astana qalasynyń elektrondy kólik modeli qabyldanatyn kólik sheshimderiniń negizdiligin úlken derekterdi taldap, trafıkti boljaý arqyly arttyrýǵa múmkindik beredi. Júıeni ázirleý jumystaryn jyl sońyna deıin aıaqtaý josparlanǵan. Ol jumystarda Eýrazııa damý bankiniń granty esebinen júrgizilip jatyr, — dep jazady Oljas Bektenov.

Al Almatyda keptelisti retteıtin Jol qozǵalysyn uıymdastyrý ortalyǵy 2027 jyldyń aıaǵyna deıin iske qosylmaq.