Jıyrma jastaǵy qazaq jigiti kásip ashýda kósh bastady - sheteldegi qazaq baspasózi
Kazinform. HAA sheteldegi qazaq tilinde taraıtyn aqparat kózderine aptalyq sholýyn usynady.
20 jastaǵy qazaq jigiti kásip ashýda kósh bastady - «Halyq gazeti»
Qytaılyq BAQ-tyń dereginshe, Erdana Jeńisáliuly Narat dalasynda týyp-ósken, týǵan jeriniń kórkem kelbeti men jylqyǵa degen mahabbaty ony bıyl maýsym aıynda oqýyn bitirgen soń týǵan aýylyna qaraı jeteledi.
Erdana Jeńisáliuly turatyn Narat jaılaýynyń týrısterge baǵyttaǵan minis at ujymy 20 qazaq jigitinen quralǵan. Áriptesteri ujym bastyǵy Ersin Shoqynulyn «Chempıon komandasynyń kapıtany» dep ataıdy.
Qytaılyq basylymnyń málimetinshe, 33 jastaǵy Ersin Shoqynuly Ulttyq shańǵy komandasynan mansabyn aıaqtaǵannan keıin anasyna qaraılasý úshin týǵan jerine oralǵan. Ol sportshy kezinde álemniń kóptegen elin aralaǵan, al qazir týǵan jeriniń sulýlyǵyn álemge tanystyrýǵa úmittenedi. Bıyl naýryzda ol aýyl turǵyndarynyń kirisin arttyrý úshin «Chempıon» atty minis at komandasyn qurdy.
Minis at komandasy malshylardan 200-ge jýyq at jınap, túrli baǵyttar boıynsha týrıstik sharalar uıymdastyrdy. Bul arada týrıster at minip qana qoımaı, at shanaǵa otyrý, qarda jarysý sııaqty sharalarǵa da qatysa alady, sonymen qatar at bapkerleri olarǵa qazaqtyń qyz qýý, kókpar sııaqty dástúrli oıyndaryn kórsetedi.
Qandasymyz aımaqtyń tańdaýly ustazy atandy - Janadauir.com
Kásiptiń atasy – ustazdyq... «Ustazy jaqsynyń – ustamy jaqsy» demekshi ustazy ulaǵatty bolsa, shákirti dana bolady. Bul jolǵy «Kásibim-Nesibem» aıdarynyń kelesi qonaǵy aımaǵymyzdaǵy 2023 jyldyń úzdigi – elimizge eńbek sińirgen ustaz Baıylqan Nııazuly atyndaǵy jalpy bilim beretin 5-mekteptiń 3-synyp jetekshisi Baqytnur Qabkeıqyzy.
Qymbatty oqyrmandar endi nazarlaryńyzǵa aımaqtyq tańdaýly bastaýysh synyp ustazy Baqytnur Qabkeıqyzymen ótkizilgen suhbatty usynamyz, dep jazady janadauir.com.
Bıyl jańa jyl qarsańynda aımaqtyq sańylaq atanǵan Baqytnur Qabkeıqyzy 2008 jyly ádisker ustaz, 2014 jyly aǵa ustaz mártebesin alǵan. Al, 2015 jyly «Muǵalimder dańqy», 2016 jyly jetekshi ustaz tósbelgisimen, 2017 jyly AAÓQ-nyń maqtaý gromatasymen, 2018 jyly aımaqtyq ozat qyzmetker tósbelgisimen 2019 jyly úkimet ornynyń «Bilim salasynyń ozat qyzmetkeri» tósbelgisimen, 2020 jyly aımaqtyń qurmetti azamaty tósbelgilerimen marattalǵan.
Ózbekstan men Qazaqstan 2024 jylǵa arnalǵan josparlardy talqylady - «ÓzA»
Ózbekstan men Qazaqstan SІM basshylary telefon arqyly sóılesý barysynda ekijaqty qarym-qatynasta ótken jyly qol jetkizilgen nátıjelerdi qorytyndylap, aldaǵy 2024 jylǵa arnalǵan josparlardy talqylady.
Bul týraly ózbekstandyq «ÓzA» aqparattyq agenttigi habarlady.
«Áriptesim, Qazaqstan Respýblıkasy Premer-Mınıstriniń orynbasary, Syrtqy ister mınıstri Murat Nurtileý myrzamen telefon arqyly sóılesý barysynda biz jyl boı qol jetkizilgen nátıjelerdi qorytyndylap, aldaǵy 2024 jylǵa arnalǵan josparlarymyzdy talqyladyq. Ótken jyly biz ekijaqty qarym-qatynastarymyzda kóptegen jetistikterge kýá boldyq, aldaǵy jyly budan da kóp jetistikter kútemiz», - dep jazǵan Ózbekstan SІM basshysy óziniń Telegram kanalynda.
Qytaıdan Qazaqstanǵa kirip-shyqqan jolaýshylar sany kúrt artty - CNR
Byltyr qarasha aıynda «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy vızalyq talaptardan ózara bosatý týraly kelisimi» kúshine engennen beri, Shyńjańnyń Qorǵas keden beketindegi tekserý zaly arqyly kún saıyn kóptegen jolaýshylar shekaradan kirip-shyqty.
2024 jyly 3 qańtarda jolaýshylar mólsheri kúrt artyp, bir kúnde shekaradan kirip-shyqqan adamdar sany 2000-nan asty, dep jazady Qytaıdyń «Ortalyq halyq radıosy».
Atalǵan BAQ-tyń dereginshe, Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy vızalyq talaptardan ózara bosatý týraly kelisim kúshine engizýiniń arqasynda, eki el turǵyndary arasyndaǵy barys-kelis pen gýmantııarlyq aýys-túıis anaǵurlym jıileı túsken.
Qazirgi ýaqytta «Qorǵas» halyqaralyq avtovokzalynda Qazaqstanǵa 4 halyqaralyq jolaýshylar baǵyty bar.
Qorǵas shekaradan kirip-shyǵý shekara qorǵanys tekserý pýnktiniń sandy málimetine qaraǵanda, 2023 jyly Qorǵas shekara ótkeli arqyly shekaradan kirip-shyqqandar 730 myń adamǵa jetip, 2019-jyldaǵydan 208.56% artyp, Shyńjańdaǵy jolaýshylar tasymaly eń joǵary shekara ótkeli bolǵan.
Toqaev 2023 jyly 19 elge saparmen shyqty – «TRT»
Qazaqstan Prezıdentiniń Baspasóz qyzmeti jyldy qorytyndylady.
2023 jyly Qazaqstan Prezıdenti Qasym-Jomart Toqaevtyń qarqyndy dıplomatııalyq qadamdary jalǵasty.
Qasym-Jomart Kemeluly shetelge 19 ret sapar jasady. 27 halyqaralyq forým men sammıtke qatysty. Atap aıtqanda, shet memleketterdiń prezıdentterimen 30, shetel úkimetteri basshylarymen, halyqaralyq uıymdardyń jetekshilerimen, isker toptar ókilderimen 106 kezdesý ótkizildi. Memleket basshysynyń saparlary sheńberinde 18 ekijaqty qujatqa qol qoıyldy. Sonymen qatar 27 memlekettiń elshilerinen senim gramotalaryn qabyldady. 41 eldiń basshylarymen telefon arqyly sóılesti.
Bul týraly osy aptada Túrkııa Radıo Televızııa portaly habarlady.
Túrkııalyq basylym, Qazaqstan Parsy shyǵanaǵy elderimen yntymaqtastyq pen strategııalyq áriptestikti nyǵaıtýǵa mán bergeni týraly da jazǵan.
Sonymen birge ol Transkaspıı dálizin damytý boıynsha jumysty kúsheıtkenin tilge tıek etken.
Toqaev jumys saparmen eldiń 14 óńirinde bolǵany da aıtylǵan.
«Memleket basshysy 5 myńnan astam qujatqa, onyń ishinde 98 zańǵa, 344 Jarlyqqa, 91 Ókimge qol qoıdy. Elbasynyń tapsyrmasymen muǵalimderdiń jalaqysy 100 paıyzǵa, dárigerlerdiń jalaqysy 30 paıyzǵa kóterildi», dep jazady túrkııalyq BAQ.
Qazaqstan reseılik avıabazada áskerı qyzmetshiler úshin kıiz úı tikti - «Parstoday»
Sırııadaǵy reseılik Hmeımım avıabazasynda ornalasqan kıiz úıde ıslam dinin ustanatyn áskerı qyzmetshiler namaz oqı alady, dep habarlaıdy «Parstoday» aqparat agenttigi Reseı qorǵanys mınıstrligine silteme jasap.
Reseı qorǵanys mınıstrligi Qazaqstannyń bul erekshe de baǵaly syıy eki baýyrlas el arasyndaǵy myzǵymas dostyqtyń sımvolyna aınaldy degen.
«Qazaqstannyń bul erekshe de baǵaly syıy eki baýyrlas el arasyndaǵy myzǵymas dostyqtyń sımvolyna aınaldy jáne ol Sırııa aýmaǵynda lańkestikke qarsy kúreste júrgen reseılik áskerı qyzmetshiler arasyndaǵy ultaralyq jáne konfessııaaralyq qarym-qatynastardy odan ári nyǵaıtýǵa yqpal etetini sózsiz», - dep atap ótken Reseı qorǵanys mınıstrligi.
Namazhana barlyq qajetti atrıbýttarmen jabdyqtalǵan.
Altaıdyń jún-terili shańǵysy álemge tanymal bola tústi – «Halyq» gazeti
Altaı «qar qalasy» retinde belgili. Ejelgi zamannan beri ań terisi jergilikti qazaqtardyń qysqy óndirisi men turmysy úshin mańyzdy quraldardyń biri boldy. Qýanyshbektiń úıinen 40 shaqyrymnan astam jerde ornalasqan Dóńdibulaq úńgirinde 10 000 jyldan astam tarıhqa ıe shańǵy teýip, ań aýlaǵan sýretteri bar.
Bul týraly Qytaılyq «Halyq» gazeti basylymy habarlady.
Atalǵan BAQ-tyń keltirgen deregine súıensek, jún-terili shańǵylardyń artyqshylyǵy - olarmen órge júrýge de bolady. Altaılyq Qýanyshbektiń aıtýynsha, keıde qysta qalyńdyǵy eki metrden asatyn qar jaýady, ondaıda atpen júre almaısyz. Shańǵynyń bul túri malshylardyń qatynasyna kepildik etedi.
Aıta keteıik, Beıjińdegi 2022 jylǵy Qysqy Olımpıada oıyndarynda qar-muz mádenıetin nasıhattaýdyń arqasynda Shyńjańnyń Altaı aımaǵy shańǵy sportynyń alǵashqy kózi retinde álemge tanymal boldy. Sonymen qatar Qýanyshbektiń jún-terili shańǵylaryna da kóbirek tapsyrys kelip túsip, bıznes jyl saıyn jaqsaryp keledi eken.
«Qýanyshbek sonymen qatar short video platformasynda akkaýnt ashyp, ózi vıdeo túsirip jáne montajdap, jún-terili shańǵyny jasaý protsesin kórsetetin beınelerdi kópshilikke usyný arqyly osy ejelgi mádenıetti kóbirek jastarǵa tanymal etti», dep jazady qytaılyq basylym.
