Jıhankez Petrýhın «temir tulparyn» Prezıdent murajaıyna syıǵa tartty
ASTANA. 30 mamyr. QazAqparat - Qazaqstan Geografııalyq qoǵamynyń jáne Qazaqstan Baıkerler qaýymdastyǵynyń prezıdenti, «Dostyq» ordeniniń ıegeri Dmıtrıı Petrýhın óziniń mototsıklin QR Tuńǵysh Prezıdenti Murajaıyna tapsyrdy.
D. Petrýhın atalmysh baıkpen álemniń 80 eline saıahat jasaǵan.
Sonymen qatar áıgili qazaqstandyq baıker murajaı qyzmetkerlerine Elbasy N.Nazarbaev pen 2011 jylǵy Azıada oıyndaryna qatysqan memleketterdiń sport mınıstrleriniń qoltańbalary qoıylǵan Azııa Olımpıadalyq keńesiniń týyn, «jıhankezdik kartasy» men fotosýretter keshenin tabys etti.
2004-2011 jyldary Qazaqstannyń Erikti elshisi óziniń «temir tulparymen» álemniń 80 elin aralap, memlekettik baıraqpen birge 200 myń shaqyrym joldy júrip ótti. Bul - jer sharynyń moto tarıhyndaǵy teńdesi joq oqıǵa atanyp, álemniń Gınnester kitabyna endi.
Petrýhınniń «temir tulpary» endi Aleksandr Vınokýrovtyń ataqty «altyn» velosıpedimen birge Qazaqstannyń sport jetistikterine arnalǵan zalda bir qatarda turatyn boldy.
