Jıgýlı Daırabaevtyń úgit-nasıhat naýqany talqylandy

ASTANA. QazAqparat – «Aýyl» halyqtyq-demokratııalyq patrıottyq partııasynyń respýblıkalyq qoǵamdyq shtabynyń otyrysy ótip, onda Qazaqstan Respýblıkasynyń Prezıdenttigine kandıdat Jıgýlı Daırabaevtyń úgit-nasıhat naýqanynyń barysy talqylandy. Іs-sharaǵa partııanyń óńirlik fılıaldarynyń basshylary, óńirlik shtabtardyń basshylary men músheleri qatysty.

Bul týraly QazAqparat «Aýyl» HDPP silteme jasaı otyryp habarlaıdy.

«Aýyl» partııasy úgit-nasıhat naýqany aıasynda elimizdiń barlyq 20 óńirinde, barlyq 88 qalada jáne 166 aýyldyq jerde úgit-nasıhat sharalaryn uıymdastyrady. Óńirlik shtabtar 2 500-den astam is-sharany qamtıtyn úgit-nasıhat josparyn ázirlese, onyń 70%-y ótkizildi.

Búginde Jıgýlı Daırabaev bastaǵan top ókilderi Jambyl, Túrkistan, Qyzylorda, Aqtóbe, Aqmola, Qaraǵandy, Pavlodar, Jetisý, Almaty, ShQO, Abaı oblystarynyń saılaýshylarmen kezdesti. Kandıdat ár aımaqtyń turǵyndarymen kezdesip, óziniń saılaýaldy baǵdarlamasynyń negizgi baǵyttaryn baıandap, saılaýshylardyń suraqtaryna jaýap berdi.