Jıgýlı Daırabaev Sý keńesi quramyna kirdi
Úkimet janyndaǵy Sý keńesi quramynan Sý sharýashylyǵy kásiporyndary men uıymdary qaýymdastyǵynyń prezıdenti Nurlan Atshabarov shyǵaryldy. Onyń ornyna keńeske Májilis depýtaty Jıgýlı Daırabaev kirdi, dep habarlaıdy Kazinform.
Sý keńesindegi kadrlyq aýys-túıisti Sý resýrstary jáne ırrıgatsııa mınıstrliginiń baspasóz qyzmeti rastady.
Esterińizge sala keteıik, 2022 jyldyń 11 naýryzynda elimizdiń sý resýrstaryn basqarý júıesin jetildirý maqsatynda Premer-Mınıstrdiń tóraǵalyǵymen Sý keńesi quryldy. Keńes sý sharýashylyǵy salasyndaǵy saıasattyń ulttyq basymdyqtary máseleleri boıynsha usynystar men usynymdar ázirleýge baǵyttalǵan.
Sý keńesiniń alǵashqy otyrysynda Qyrǵyz Respýblıkasymen elektr energııasymen taýar almasý jáne Qazaqstannyń ońtústik óńirlerin sýmen qamtamasyz etý máseleleri qaraldy.
Daırabaev Jıgýlı Moldaqalyquly 1954 jyly dúnıege kelgen. Qazaq aýyl sharýashylyǵy ınstıtýtyn, Agroónerásiptik keshen joǵary mektebin bitirgen. Ol – Qazaqstan fermerleri qaýymdastyǵynyń basqarma tóraǵasy, «Atameken» ulttyq kásipkerler palatasy Agroónerkásiptik kesheni komıtetiniń tóraǵasy, «Aýyl» HDP tóraǵasynyń orynbasary.
2023 jyly Májilis depýtaty bolyp saılandy.
