Jıgýlı Daırabaev Semeı jurtshylyǵymen kezdesýler ótkizdi

SEMEI. QazAqparat - «Aýyl» partııasynan Qazaqstan Respýblıkasy prezıdenttigine kandıdat Jıgýlı Daırabaev Abaı oblysynyń jurtshylyǵymen kezdesýler ótkizdi, dep habarlaıdy QazAqparat partııanyń baspasóz qyzmetine silteme jasaı otyryp.

Kandıdat sapary halyqtyń rýhanı damýyna zor úles qosqan uly tarıhı qaıratkerler – Abaı men Muhtar Áýezovtiń eskertkishterine gúl shoqtaryn qoıýdan bastaldy.

Odan keıin Jıgýlı Daırabaev jáne onyń komandasy Abaı oblystyq kitaphanasynda jergilikti zııaly qaýymmen kezdesý ótkizip, kandıdat baǵdarlamasynyń mańyzdy baǵyttaryn talqylady.

Kitaphanadan shyqqan soń kandıdat «Qazaq Astyq Group» JShS baryp, zaýyt jumyskerlerimen kezdesti.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.