Jıgýlı Daırabaev: Meniń qaǵıdam – syrttan jaý, ishten daý kirgizbeý

ASTANA. QazAqparat – «Aýyl» halyqtyq-demokratııalyq patrıottyq partııasynyń atynan kezekten tys prezıdent saılaýyna túsetin Jıgýlı Daırabaev óziniń saılaýaldy baǵdarlamasynyń negizgi baǵyttary qandaı bolatynyn aıtty, dep habarlaıdy QazAqparat tilshisi.

«Men prezıdetikke kandıdat bolmaı turǵan kezdiń ózinde de kóterip júrgen máselelerim bar. Mysaly, jastardyń bári aýyldan qalaǵa ketip jatyr. Aýyl sharýashylyǵynda eńbek ónimdiligi tómen. Ózderińiz bilesizder, buryn uıymdastyrylǵan sharýashalyqtar bolsa, qazir 280-300 myńǵa jýyq ár túrli formadaǵy sharýashylyq qurylym jumys isteıdi. Aýylda ınfraqurylymnyń ahýaly nashar. Sony túzeý –bizdiń partııanyń negizgi maqsattarynyń biri. Sol aýyldaǵy ınfraqurylymdy kóterý arqyly, agrarlyq salany damytý arqyly eldiń azyq-túlik qaýipsizdigin qamtamasyz etýdi kózdeımiz», - dedi Qazaqstan fermerler qaýymdastyǵynyń basqarma tóraǵasy.

Sondaı-aq aýyl partııasynyń óńirlerdegi bólimsheleriniń kómegimen kandıdat retinde tirkelýge qajet 120 myń daýysty jınaı alatynyn senimd iekenin aıtty.

«Qazirgi geosaıası ahýaldy da eskerip otyrmyz. Ony ózderińiz de kórip, bilip otyrsyzdar. Sondyqtan basty másele memlekettiń, halyqtyń birligi bolýy kerek. Qoǵamda tynyshtyq bolýy qajet. Qazaq bata bergende aıtatyn sóz bar. «Syrtymyzdan daý kirmesin, ishimizden daý kirmesin» deıdi. Meniń negizgi qaǵıdam solaı», - dedi Jıgýlı Daırabaev.