Jıgýlı Daırabaev elordada «DANMARD» JShS ujymymen kezdesti

ASTANA. QazAqparat – «Aýyl» partııasynan prezıdenttikke kandıdat Jıgýlı Daırabaev elordada «DANMARD» JShS eńbek ujymymen kezdesti, dep habarlaıdy QazAqparat partııanyń baspasóz qyzmetine silteme jasap.

Kezdesý barysynda kandıdat kásiporyn jumysshylarymen eńbek adamynyń rólin kóterý máselesin jáne eldegi jeńil ónerkásip jaǵdaıyn talqylady. Óziniń saýlaýaldy baǵdarlamasyna qatysty suraqtarǵa jaýap berdi.

«DANMARD» JShS ásker men órt sóndirýshilerge kıim tigedi. Kásiporyn búginde ózindik ónim óndirisin damytyp, jetildirýge den qoıyp otyr.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada prezıdent saılaýy ótedi.