Jıgýlı Daırabaev Batys Qazaqstan oblysy turǵyndarymen kezdesti

ORAL. QazAqparat – QR Prezıdenttigine kandıdat Jıgýlı Daırabaev úgit-nasıhat jumystaryn Batys Qazaqstan oblysynda jalǵastyrdy, dep habarlaıdy QazAqparat «Aýyl» HDPP baspasóz qyzmetine silteme jasap.

Óńirge arnaıy kelgen kandıdat Jáńgir han atyndaǵy Batys Qazaqstan agrarlyq-tehnıkalyq ýnıversıtetinde kezdesý ótkizdi. Jıynǵa ýnıversettiń basshylary men oqytýshy quramy, stýdentter, JOO belsendileri qatysty. Kezdesý barysynda oqý ordasynda bilim alǵan mamandardyń jumyspen qamtamasyz etilýi talqyǵa salyndy.

Qandıdat Jıgýlı Daırabaev «Jaıyq Et» kásipornyna baryp, eńbek ujymymen kezdesti. Mekeme basshylyǵymen óndiris kólemin arttyrý sharalaryn nesıelendirý jaıy talqylandy.

Buǵan deıin kandıdat Mańǵystaý oblysynyń óndiris oshaqtaryn aralaǵan bolatyn.