Jıgýlı Daırabaev: Balalarym kináli emes, olar ádildik úshin kúresedi

ASTANA. QazAqparat - Májilis depýtaty Jıgýlı Daırabaev isti bolǵan balalaryn kináli dep eseptemeıtinin málim etti, dep habarlaıdy QazAqparat tilshisi.

«Balalaryma qatysty másele boıynsha depýtat áriptes retinde qoldaý kórsetip jatyrsyzdar. Balalarymdy kináli dep eseptemeımin, olar ádildik úshin kúresedi. Apellıatsııalyq sotqa júginip, abyroıyn qorǵaýǵa múddeli. Endeshe, men Májilisten ne úshin ketýim kerek? Aýyl turǵyndary, sharýalar, ózimdi saılaǵan «Aýyl» partııasy maǵan úlken úmit artyp otyr. Kóptegen ótkir máselelerdi qolǵa alyp, jumys isteýim kerek», - dedi J. Daırabaev Májilistiń jalpy otyrysynda depýtattyq saýalyn jarııalaý aldynda.

Budan buryn habarlanǵandaı, Taraz qalasynyń soty alaıaqtyq jasady jáne iri mólsherde aqsha jymqyrdy dep aıyptap, úkim shyǵarǵan eki kúdiktiniń Májilis depýtaty Jıgýlı Daırabaevtyń uldary ekeni belgili boldy.

Keıin Májilistegi «Aýyl» partııasy fraktsııasy depýtaty Jıgýlı Daırabaev mandatyn tapsyrmaıtynyn málimdedi.