Jıgýlı Daırabaev «Aýyl» partııasy tóraǵasynyń orynbasary qyzmetinen bosatyldy
ASTANA. KAZINFORM – Bul týraly búgin «Aýyl» partııasynyń resmı saıtynan málim boldy.
Ondaǵy málimetterge qaraǵanda, búgin «Aýyl partııasy» fraktsııasynyń májilisi ótti. Onda partııanyń aǵymdaǵy jumystaryna baılanysty birqatar másele qaralǵan.
Sondaı-aq májilis barysynda partııanyń Saıası Keńesiniń Tóralqasyna Májilis depýtaty, fraktsııa ókili Jıgýlı Daırabaevty partııa tóraǵasynyń orynbasary laýazymynan bosatý týraly máseleni qaraý usynylǵan.
Saıtta sonymen qatar «Aýyl» partııasy Saıası Keńesi tóralqasynyń otyrysy ótkeni aıtylǵan. Kún tártibinde eki másele qaralǵan.
- Birinshi másele Aqtóbe óńirlik fılıalynyń partııa Jarǵysyn óreskel buzýy boldy. Atap aıtqanda, bekitilgen tártipti buza otyryp, oblystyq máslıhat depýtatynyń mandatyn qaıta bólý júrgizildi. Tóralqa músheleri Aqtóbe oblystyq fılıalynyń tóraǵasy A. Bazarǵalıevke jeke jáne partııalyq iske engize otyryp, qatań sógis jarııalaý túrinde jaýapqa tartý týraly sheshim qabyldady. Ekinshi másele partııa tóraǵasynyń orynbasary Jıgýlı Daırabaevty qyzmetinen bosatýǵa qatysty boldy. Tóralqa músheleri bul sheshimge biraýyzdan daýys berdi, - delingen partııanyń baspasóz qyzmeti taratqan habarlamada.
Daırabaev Jıgýlı Moldaqalyquly 1954 jyly 29 qazanda týǵan.
1981 jyly Turar Rysqulov atyndaǵy Qazaq aýyl sharýashylyǵy ınstıtýtyn bitirgen.
Eńbek joly:
1972 – 1974 Jambyl oblysyndaǵy «Lýgovskoı» kolhozy shopannyń kómekshisi
1974 – 1977 «Lýgovskoı» kolhozy Komsomol komıtetiniń hatshysy, nusqaýshysy
1977 – 1980 Jambyl oblysy «Kommýnızm joly» kolhozynyń kásipodaq komıtetiniń tóraǵasy
1982 – 1984 Jambyl oblasy Kamenskıı aýyldyq halyq depýtattary Keńesi atqarý komıtetiniń tóraǵasy
1984 - 1985 Jambyl oblysy, aýdandyq partııa komıtetiniń úgit-nasıhat bóliminiń nusqaýshysy
1985 – 1987 Jambyl oblysy «Alǵabas» sovhozynyń hatshysy
1987 – 1997 Jambyl oblysy Jambyl atyndaǵy kolhozy basqarmasynyń tóraǵasy
1995 - 1995 Jambyl oblysy T. Rysqulov aýdany aýyl sharýashylyǵy basqarmasynyń bastyǵy
1995 - 1997 Jambyl oblysy «Qoragaty» sovhozynyń dırektory,
1997 - 2001 T. Rysqulov aýdany statıstıka basqarmasynyń bastyǵy
2001 – 2009 «KAZEXIM-MERKE» JShS atqarýshy dırektory
2009 – 2016 «MOLBAL» JShS dırektory
2016 – 2017 «Dıdar» ShQ basshysynyń keńesshisi
2019 – «Qazaqstan fermerler qaýymdastyǵy» JK jáne ZT birlestigi basqarmasynyń tóraǵasy, Astana qalasy.
2023 jyldan beri «Aýyl» partııasy atynan QR Parlamenti Májilisiniń VIII shaqyrylymynyń depýtaty.
2001 «Qazaqstan Respýblıkasynyń táýelsizdigine 10 jyl»
2016 «Qazaqstan Respýblıkasynyń Táýelsizdigine 25 jyl»
2021 ıýbıleınaıa medal «Qazaqstan Táýelsizdigine 30 jyl»
Qazaqstan Respýblıkasy Prezıdentiniń Alǵys hatymen marapattalǵan.