Jıgýlı Daırabaev Almaty irgesindegi Nura aýylynda saılaýshylarmen kezdesti

ASTANA. QazAqparat - Qazaqstan Respýblıkasynyń prezıdenttigine kandıdat Jıgýlı Daırabaev Almaty qalasynyń irgesindegi Nura aýylynyń saılaýshylarymen kezdesti, dep habarlaıdy QazAqparat «Aýyl» halyqtyq demokratııalyq patrıottyq partııasynyń baspasóz qyzmetine siltememen.

Nura aýyly Almaty qalasynan 42 shaqyrym jerde ornalasqan eldi meken.

Jıgýlı Daırabaev Nura eldi mekeniniń turmys-tirshiligimen tanysty. Aýylǵa deıingi jol sapasyn kózimen kórdi. Olardyń el ómirine qatysty pikirlerin tyńdady.

Kezdesýde kandıdat óz baǵdarlamasyn tanystyrdy.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.