«Jigitter» prodıýserlik ortalyǵy alǵashqy gastroldik saparyn Almatyda túıindeıdi - Erǵalı Ábdiraıymov
ALMATY. Mamyrdyń 20-sy. QazAqparat /Erlik Erjanuly/ - Búgin Astanadaǵy Kongress-Holda «Jigitter» prodıýserlik ortalyǵynyń kontserti ótedi,
dep habarlaıdy QazAqparat.
«Bizdiń gastroldik saparymyz 2009 jyldyń kókteminde Shymkent pen Taraz qalalarynda bastalǵan bolatyn. Bir jyldyń ishinde búkil Qazaqsandy aralap shyqtyq. Buǵan deıin Mańǵystaý óńirinde bolyp mamyrdyń 17-sinde Ózende, 18-19 kúnderi Aqtaýda óner kórsettik. Endi búgin Astanada, erteń Qaraǵandyda kontsert qoıyp, gastroldik sapardyń aqyrǵy núktesin mamyrdyń 23-i kúni Almatydaǵy Respýblıka saraıynda qoımaqpyz», deıdi «Jigitter» prodıýserlik ortalyǵynyń jetekshisi Erǵalı Ábdiraıymov. Onyń aıtýynsha, bul sharanyń basty maqsaty jurtshylyqty ortalyqtyń jumysymen tanystyrý. Oǵan «Jigitter», «Jalyn» toptary jáne Asqar Júnisbekov pen Bolatbek Dosymbaev qatyspaq.
«Bul kontserttiń basty ereksheligi, onda oryndalatyn shyǵarmalardyń bári fonogrammasyz oryndalady. Kópshilgi jańa ánder. Onda sondaı-aq, «Jigitter» tobynyń ánshileri mýzykalyq aspaptarmen sahnaǵa shyǵatyn bolady. Olar buǵan deıin birde-bir ret aspaptarmen jeke án salmaǵan bolatyn», deıdi Erǵalı Ábdiraıymov.
