Jıeni tátesiniń mıllıon teńge turatyn altynyn urlaǵan
NUR-SULTAN. QazAqparat - Elordanyń «Almaty» aýdandyq polıtsııa basqarmasynyń qyzmetkerleri quny 1 mln teńge turatyn zerger buıymyn urlaǵan kúdiktini ustady, dep habarlaıdy QazAqparat Nur-Sultan qalasynyń Polıtsııa departamentiniń baspasóz qyzmetine silteme jasap.
Elorda turǵyny qymbat áshekeılerdi urlaý faktisi boıynsha polıtsııaǵa habarlasqan. Tergeý barysynda polıtsııa zergerlik buıymdardy qonaqqa jıi kelip júrgen jıeni urlap ketkenin anyqtady.
32 jastaǵy týysy birneshe buıymyn alyp, olardy lombardqa ótkizgen. Altyndardyń ıesi olardyń joǵalǵanyn baıqamaǵan, sóıtip urlyq bir aıǵa sozylǵan.
Polıtseıler ustaǵan er adam óz kinásin moıyndady. Jıeniniń aıtýynsha, ol barlyq qarajatty sport básterine tikken.
Ustalǵan azamatqa qatysty qylmystyq is qozǵalyp, onyń elorda aýmaǵynda osyǵan uqsas buryn jasalǵan qylmystarǵa qatysy bar-joǵy anyqtalýda.
Nur-Sultan qalasynyń polıtsııa departamenti azamattardy qyraǵy bolýǵa, baǵaly zattardy qaraýsyz qaldyrmaý kerektigin eskertedi.
