JI eńbek salasynda: táýlik boıy ıntellektýaldy chat‑botqa júginýge bolady

ASTANA. KAZINFORM — Búginde eńbek naryǵyna qatysty azamattardan kelip túsken ótinishterdiń shamamen 96 paıyzy jasandy ıntellektiniń kómegimen avtomatty túrde óńdeldi.

мобильное приложение
Фото: freepik

Bul týraly Eńbek jáne halyqty áleýmettik qorǵaý vıtse-mınıstri Oljas Anafın málim etti. 

— Memleket basshysy jasandy ıntellektini damytýdyń mańyzy men perspektıvasyna erekshe nazar aýdardy. Bul baǵytta keshendi jumys istelip jatyr. 2025 jyldyń birinshi jartyjyldyǵynda eki jasandy ıntellekt modeli engizildi, jyl sońyna deıin taǵy birnesheýi iske qosylmaq, — dedi Oljas Anafın ortalyq kommýnıkatsııalar qyzmeti alańynda ótken baspasóz máslıhatynda.

Osylaısha, vıtse-mınıstr jasandy ıntellektiniń kómegimen jumys isteıtin ıntellektýaldy chat‑bottyń iske qosylǵanyn aıtyp otyr. 

— Chat‑bot Enbek tsıfrlyq ekojúıesinde operatorlardyń júktemesin azaıtý jáne qyzmet sapasyn arttyrý úshin engizildi. Jasandy ıntellektiniń arqasynda qyzmet alýshylar onlaın rejımde táýlik boıy saýaldaryna jaýap pen konsýltatsııa alady. Eger bot sáıkes jaýap taba almasa, ótinish operatorǵa jiberiledi. Búginde ótinishterdiń shamamen 96 % avtomatty túrde qyzmetkerdiń kómeginsiz óńdeldi. Kún saıyn chat‑bot arqyly 600‑ge jýyq ótinish óńdeledi, — deıdi ol.

Mınıstrlik usynǵan statıstıkaǵa súıensek, 1 tamyzdaǵy jaǵdaı boıynsha jasandy ıntellektiniń kómegimen 18,7 myńnan astam ótinish qaralyp, jaýap berilgen. 

Aıta keteıik, taıaýda Memleket basshysy Qasym-Jomart Toqaev jasandy ıntellekt salasyn retteý tetikterin jetildirýdi taǵy bir mańyzdy mindet retinde aıqyndady.

Eske salaıyq, elimizde 1414 baılanys ortalyǵyndaǵy árbir 50-shi qońyraýdy jasandy ıntellekt óńdeıdi. 

Сейчас читают