Jıembet batyrdyń 600 jaýyngeri jońǵarlardyń 50 myńdyq qolyn talqandaǵan tarıhı oqıǵa týraly kitap jaryqqa shyqty
ASTANA. 9 qańtar. QazAqparat - Búgin Astanada jazýshy Tabyl Qulyıastyń «Jıembet batyr» roman-essesiniń tusaýkeseri ótti.
Kitap batyr, aqyn, jyrshy, sazger, áskerbasy, Esim hannyń bas bıi, halqyn oılaǵan tarıhı tulǵa, «Esim hannyń eski joly» dala zańyn qurastyrýshylarynyń biri Jıembettiń kópqyrly bet-beınesi týraly áńgimeleıdi.
«Búgin biz Táýelsiz Qazaqstanda óz elimizdiń tarıhyn qaıtadan jınap jatyrmyz. Búgin bizdiń baǵymyzǵa bitken memleketimiz, eldigimiz ben egemendigimiz, memleket pen jerdi saqtap qalǵan babalarymyzdyń batyrlyǵy arqasynda jetti. Osy kitapta bizdiń jastarymyzǵa sol batyrlarymyz týraly aıtqym keldi», - dedi «QazAqparat» agenttiginiń tilshisine bergen suhbatynda jazýshy, satırık, jýrnalıst, Qazaqstannyń eńbek sińirgen qaıratkeri, roman-esseniń avtory T.Qulyıas.
«Jáńgir bastaǵan qazaqtyń 600 jaýyngeri qazaqtyń tarıhynda alǵash ret or qazý tásilimen qalmaqtyń 50 myń qolyn toqtatyp, onyń 10 myńyn joıyp jibergen. Ǵalymdar batyrlyq turǵysynan atalmysh shaıqasty Kýlıkov urysymen teńeıdi. Bul oqıǵa Jıembet batyrdyń qolbasy retindegi danalyǵy men daryndylyǵyn taǵy bir aıshyqtaıdy. Esim han tusynda, ıaǵnı 1620, 1627, 1628, 1638 jyldarda qalmaqtarmen bolǵan soǵystarda Jıembet batyr bastaǵan sarbazdar iri jeńiske jetedi», - dep atap ótti jazýshy.
Tarıhshy atalmysh kitapti jazý barysynda qazaqstandyq, sonymen qatar Reseıdiń Omby, Orynbor, Barnaýyl, Novosibir qalalaryndaǵy muraǵattardan tarıhı qujattardy negizge alǵan.
