Jıdebaı-Bórilide etnografııalyq kórme ashyldy (FOTO)
ASTANA. QazAqparat - Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-murajaıynda «Uly dala murasy» etnografııalyq kórmesiniń ashylý saltanaty ótti.
Mádenıet jáne sport mınıstrligi baspasóz qyzmetiniń habarlaýynsha, «Uly dala murasy» kórmesiniń negizgi maqsaty - ótken ǵasyrlarda ómir súrgen qazaqtyń altyn qoldy ustalary men zergerleriniń asyl muralaryn nasıhattaý, murajaı qorynda saqtalǵan etnografııalyq jáne zergerlik jádigerlerdi kórermen nazaryna usyný. Qazaq halqynyń umytylyp, nazardan tys qalyp bara jatqan ustalyq kásip, zergerlik ónerin mýzeı qoryndaǵy jádigerler negizinde túsindirý.
Shara kezinde «qol kúres», «arqan tartý», «asyq atý» sııaqty qazaqtyń ulttyq oıyndarynan jarystar uıymdastyrylyp, qazaq ulttyq áýenderi men bılerden turatyn kontsert ótti. Dýmandy sharaǵa qatysqan qala turǵyndary men qonaqtary baýyrsaq pen naýryz kójeden dám tatyp, mýzeı qyzmetkerleri daıyndaǵan merekelik kórinisterge rıza boldy.
Kórmeniń ereksheligi - etnografııalyq kórmege murajaı qorynda saqtalǵan sırek etnografııalyq, zergerlik, qazaq halqynyń ulttyq salt-dástúri men turmysyn tanytatyn jádigerler qoıyldy. Olar aǵashtan, teriden jasalǵan turmystyq zattar, túrli tásilmen jasalǵan qolóner buıymdary, qarý jaraqtar, mýzykalyq aspaptar, kúmisten jasalǵan áshekeı buıymdary, beıneleý óneri týyndylary jáne taǵy basqa jádigerler.
«Uly dala murasy» etnografııalyq kórmesi qala qonaqtary men kórermen nazaryna bir aı boıy usynylady.
