«Jıdebaı - Bórili» mýzeıiniń kóshpeli kórmesi Almatyǵa ákelindi

ALMATY. QazAqparat - Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıiniń «Abaı murasy – rýhanı qazyna» atty kóshpeli kórmesi Almatyǵa ákelindi. Qala turǵyndary men qonaqtary eki apta boıy aqynnyń murasymen tanysa alady, dep habarlaıdy QazAqparat tilshisi.

Uly Abaı kúnine oraı «Almaty qalasy mýzeıler birlestigi» kommýnaldyq memlekettik qazynalyq kásipornynyń qoldaýymen ońtústik astanada Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıiniń «Abaı murasy – rýhanı qazyna» atty kórmesi ashyldy.

Kórmege 50-den astam jádiger ákelindi. Mýzeıge kelýshiler Abaıdyń ómiri men shyǵarmashyǵyna qatysty qundy derektermen tanysyp, mýzykalyq murasy, qoǵamdyq qyzmeti, Qunanbaı Óskenbaıuly týraly muraǵat derekterin oqyp, kóre alady.

Buǵan deıin zııaly qaýym Abaı eskertkishine gúl shoqtaryn qoıǵan bolatyn .

Sondaı-aq «Alataý» dástúrli óner teatrynyń ártisteri metroǵa túsip, uly aqynnyń shyǵarmalaryn mýzykalyq aspaptardyń súıemeldeýimen oryndady.

Aıta keteıik, elimizde 2020 jyly Úkimet qaýlysymen 10 tamyz – Abaı kúni dep belgilendi.