Jıdda qalasynda bir mezgilde eki myńdaı jas neke qıdyratyn boldy
ASTANA. 6 sáýir. QazAqparat - «Neke jáne otbasy» dep atalatyn qaıyrymdylyq uıymynyń muryndyq bolýymen osymen on besinshi ret ótetin jappaı neke qıdyrý festıvali aıasynda qalyńdyqtar men jigitterden turatyn 1,2 myń jup úılenetin bolady. Bul jaıynda Sabq basylymyna silteme jasap muslim.kz habarlady.
Kóktem mezgiline sáıkes kelgen osynaý saltanatty shara 2013 jyldyń sáýir aıynyń 24-de Jeddah Center for Forums & Events ortalyǵynda ótedi. Atalmysh qaıyrymdylyq uıymynyń tóraǵasy, sheıh Abdýlla bın Ábdirahman ál-Atım osy sharanyń ótýine úlesin qosqan Mekke provıntsııasynyń basshysy, hanzada Halıd ál-Feısalǵa rızashylyǵyn bildirip, alǵys aıtty. Sonymen qatar, ol bılik oryndarynyń áleýmettik jáne qaıyrymdylyq jobalaryna atsalysýy arqyly qoǵam men memleket arasyndaǵy yntymaqtastyqqa serpin berip otyrǵanyn jetkizdi. Ol ótken jyly osy festıval aıasynda 7 myń 870 juptyń nekesin qıylǵanyn tilge tıek etti.
