JI damytý elektr stantsııalaryna júktemeni arttyrýy múmkin — Bektenov
ALMATY. KAZINFORM — Jasandy ıntellektti paıdalaný energııa tutynýdyń artýyna jáne ekologııalyq zardaptarǵa ákelýi múmkin. Bul týraly Oljas Bektenov aıtty.
Úkimet basshysy «Digital Almaty 2025» tsıfrlyq forýmynda qoǵamnyń oryndy alańdaýshylyǵyn týǵyzyp otyrǵan jasandy ıntellekt damýynyń birqatar tetigine nazar aýdardy.
— Qoǵamda oryndy alańdaýshylyq týdyratyn jasandy ıntellekt damýynyń birqatar tetigine nazarlaryńyzdy aýdarǵym keledi. Bul jasandy ıntellekttiń eńbek naryǵyna yqpaly jáne mamandardy qaıta daıarlaý qajettiligi; qoǵamdyq pikirdi burmalaýdy jáne basqa da táýekelderdi qosa alǵanda, jasandy ıntellektini paıdalanýdyń etıkalyq máseleleri; ekologııalyq zardaptar men energetıkalyq júkteme; túrli elder men áleýmettik toptar úshin jasandy ıntellektke teń qoljetimdilikti qamtamasyz etý, — dep atap ótti Oljas Bektenov.
Aıtýynsha, forým barysynda bul máselelerdiń sheshimi tabylady.
— Búgingi forým osyndaı mańyzdy máselelerdi talqylaýǵa múmkindikter ashady jáne olar naqty sheshimin taýyp, kóptegen táýekelderdiń aldyn alýǵa yqpal etedi dep oılaımyn, — dedi ol.
Osyǵan deıin Memleket basshysy aldaǵy eki jylda keminde 3 gıgavattyq jańa qýat kózderin iske qosý qajet ekenin aıtqan bolatyn.
Eske salaıyq, Almatyda Digital Almaty-2025 tsıfrlyq forýmy ótip jatyr. Oǵan 40 myńnan asa adam qatysýda.