Jibek jolynyń ortalyqtaryn qaıta órkendetý, týrızmdi damytý memlekettik baǵdarlamasynyń júzege asyrylýy jónindegi jınaq tanystyrylady
ASTANA. 15 sáýir. QazAqparat - Qazaqstan Respýblıkasynyń Ulttyq muraǵaty «Jibek jolynyń tarıhı ortalyqtaryn qaıta órkendetý, túrki tildes memleketterdiń mádenı murasyn saqtaý jáne sabaqtastyra damytý, týrızm ınfraqurylymyn jasaý» Memlekettik baǵdarlamasy qujattarda (1997-2004 jj.)» atty jınaqtyń tusaýkeser rásimin ótkizedi.
QR Ulttyq muraǵaty jınaqtyń tusaýkeserin Qazaqstan Táýelsizdiginiń 20-jyldyǵyna oraılastyryp otyr.
Muraǵattyq qujattar men materıaldar jınaǵy oqyrmandardy «Jibek jolynyń tarıhı ortalyqtaryn qaıta órkendetý, túrki tildes memleketterdiń mádenı murasyn saqtaý jáne sabaqtastyra damytý, týrızm ınfraqurylymyn jasaý» Memlekettik baǵdarlamasynyń qabyldanýy men tájirıbelik júzege asyrylý úrdisimen tanystyrady.
Jınaqta QR Ulttyq muraǵatynyń memlekettik saqtaýyna qabyldanǵan № 45 «Jibek joly-Qazaqstan» Ulttyq kompanııasy» jaýapkershiligi shekteýli seriktestigi» qorynyń jáne basqa qorlardyń qujattary paıdalanyldy.
Jınaq týǵan ólke tarıhyna, halqymyzdyń mádenı jáne tarıhı murasyna qyzyǵa qaraıtyn oqyrman qaýymyna qyzyǵýshylyq týdyrady degen senim mol.
