«Jibek joly» týrnıri: Qazaqstandyq alty boksshynyń beseýi fınalda súrindi

BAKÝ. QazAqparat - Ázerbaıjan astanasy Bakýde bokstan «Jibek joly» halyqaralyq týrnıri aıaqtaldy, dep habarlaıdy QazAqparat.

Qazaqstandyq alty boksshy baıraqty básekeniń fınalyna ótkenin buǵan deıin habarlaǵan bolatynbyz.

QR Ulttyq Olımpıadalyq komıtetiniń málimetine sáıkes, aqtyq synda alty sportshymyzdyń beseýi jeńilis tapty. Jeńis tuǵyrynan kóringen Shalqar Aıqynbaı boldy. 49 kelige deıingi salmaqta synǵa túsken ol Ózbekstan boksshysyn jeńdi.

Al 52 kelidegi Oljas Baınııazov, 56 kelidegi Orazbek Asylqulov, 64 kelidegi Sabyrjan Bekbergenov, 69 kelidegi Máýlen Óskenbek jáne asa aýyr salmaqtaǵy Danıla Semenovtar «kúmisti» qanaǵat tutty.

Qazaqstan qorjynynda, sondaı-aq eki qola medal bar. Olardy Ermek Mádıev pen Álibek Almasbek jeńip alǵan bolatyn.

Eske sala keteıik, Bakýdegi týrnırge ulttyq quramanyń ekinshi jáne úshinshi nómirli sportshylary attanǵan bolatyn.