«Jibek joly» telearnasynyń efırinen prezıdenttikke kandıdattarǵa ýaqyt berý sharttary
«Qazaqstan Respýblıka Prezıdentiniń Teleradıokesheni» KEAQ (budan ári-Qoǵam) – «Jibek Joly» telearnasynyń (budan ári-Telearna) menshik ıesi 28.09.1995 jylǵy «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq Zańyna sáıkes, saılaý aldyndaǵy úgit materıaldaryn (budan ári-Úgit materıaldary) ornalastyrý úshin telearnada efır ýaqytyn berýdiń tólem mólsheri, sharttary men tártibi týraly habarlaıdy.
Saılaý aldyndaǵy úgit Qazaqstan Respýblıkasynyń Prezıdenttigine kandıdattardy tirkeý merzimi aıaqtalǵan sátten bastalady jáne saılaý kúniniń aldyndaǵy kúnniń jergilikti ýaqyty boıynsha nól saǵatta aıaqtalady, osylaısha, úgit materıaldaryn telearna efırinde ornalastyrý 2022 jylǵy 21 qazan saǵat 18.00-den 2022 jylǵy 19 qarasha saǵat 00.00-ge deıin júzege asyrylady.
Telearna Qoǵam men Prezıdenttikke kandıdat (budan ári – Kandıdat) arasynda nemese kandıdattyń ýákiletti ókilimen jasalatyn jazbasha shart negizinde usynady. Efır ýaqyty qoljetimdi tehnıkalyq múmkindikterdi eskere otyryp beriledi.
Kandıdattyń ne onyń ýákiletti ókiliniń Qoǵam basshysynyń atyna jazbasha ótinishi efır ýaqytyn berý týraly shart jasasý úshin negiz bolyp tabylady. Úgit materıaldarynyń sany, hronometrajy, efırde ornalastyrýdyń boljamdy kúni men ýaqyty kandıdattyń ne onyń ýákiletti ókiliniń jazbasha ótinishinde kórsetiledi, sodan keıin olar sharttyń talaptarymen bekitiledi.
Ótinish kandıdattardyń ótinishterin tirkeý jýrnalynda kezektilik tártibimen árbir jazbasha ótinishke rettik nómiri men kelip túsken kúnin berý arqyly tirkeledi.
Jazbasha ótinishke mynadaı qujattar qosa berilýge tıis:
1) Kandıdattyń tirkelgenin rastaıtyn qujattyń kóshirmesi;
2) Kandıdat ókiliniń ókilettigin rastaıtyn qujattyń kóshirmesi;
3) ótinish berýshi tulǵanyń jeke kýáliginiń kóshirmesi;
4) shart jasasý úshin tulǵanyń ókilettigin rastaıtyn qujattar.
Telearna efırinde kandıdattardyń materıaldaryn ornalastyrý kezektiligi jazbasha ótinishterdiń kelip túsý tártibimen, ne eger ótinishter bir mezgilde kelip túsken jaǵdaıda jerebe boıynsha belgilenedi. Jerebeni ótkizý tártibi men sharttaryn Qoǵam aıqyndaıdy.
Eger jazbasha ótinish kelip túsken sátke buryn júgingen basqa Kandıdatqa suralǵan ýaqyt berilse, ne tehnıkalyq múmkindikterge baılanysty berilmese, Qoǵam Kandıdatqa telearnanyń tehnıkalyq múmkindikterin eskere otyryp, Úgit materıaldaryn ornalastyrý úshin ózge de ýaqytty usynady.
Úgit materıaldary kelesi talaptarǵa saı bolýy kerek: MPEG-2 kodegi, Chroma 422, 50 Mbıt/sek bıtreıt, sekýndyna 25 kadr, syıymdylyǵy 1920 * 1080, interlaced-tiń aıqarma túri, jolaqty qurý tártibi-joǵarǵy jolaq birinshi (topfieldfirst), kadr araqatynasy 16: 9; Aýdıo: PCM, WAV, 24 bıt, 48 kHz pishimi, -12 DB deńgeıi, materıaldyń sońǵy nusqasyndaǵy dybys 1-shi stereo arnanyń sol jaq jolyna jınalýy kerek, birdeı oń joldy (jalǵan stereo) paıdalanýǵa ruqsat etiledi. Beıne jáne Aýdıo MXF OR-1A konteınerinde bolýy kerek. Beınematerıaldar syrtqy medıada (qatty dısk, flesh-karta) usynylady.
Beınetaspamen bir mezgilde efır ýaqytyn berý týraly shartqa qol qoıýǵa ýákilettik berilgen tulǵa qol qoıǵan Úgit materıalynyń mazmuny bolyp tabylatyn mátinniń tolyq jazylýy, beıneleri Úgit materıaldarynda paıdalanylǵan adamdardyń jazbasha ruqsattary, al olar qaıtys bolǵan jaǵdaıda muragerlerdiń jazbasha ruqsattary, jarnamalyq materıaldarda kámeletke tolmaǵan balalardyń beıneleri paıdalanylǵanda ata-analarynyń qamqorshylardyń, demeýshilerdiń jazbasha ruqsattary usynylady.
Úgit materıaldarynda olardyń tólemi, qarjylandyrý kózderi týraly dybystyq nemese kórneki aqparat bolýǵa tıis.
Úgit materıaldaryn usynǵan Kandıdattar olardyń mazmunynyń Qazaqstan Respýblıkasy zańnamasynyń talaptaryna, onyń ishinde avtorlyq jáne sabaqtas quqyqtar salasyndaǵy talaptarǵa sáıkestigi úshin derbes jaýapty bolady.
Osy aqparattyq habarlamada kórsetilgen talaptar men tártip, sondaı-aq tıisti sharttyń talaptary buzylǵan jaǵdaıda Úgit materıaldarynyń efırine habarlama júrgizilmeıdi ne buzýshylyq joıylǵanǵa deıin toqtatyla turady.
Qoǵam eger konstıtýtsııalyq qurylysty kúshtep ózgertý, respýblıkanyń tutastyǵyn buzý, memleket qaýipsizdigine nuqsan keltirý, áleýmettik, násildik, ulttyq, dinı, tektik-toptyq jáne rýlyq arazdyqty qozdyrý, qatygezdik pen zorlyq-zombylyqqa tabyný, sondaı-aq zańnamada kózdelmegen áskerılendirilgen qurylymdar qurý ıdeıalary bolsa Úgit materıaldaryn efırge shyǵarýdan bas tartady.
Qoǵam Qazaqstan Respýblıkasynyń Prezıdenttigine kandıdattardyń ar-namysyna, qadir-qasıetine nemese iskerlik bedeline nuqsan keltiretin aqparat bolǵan jaǵdaıda Úgit materıaldaryn efırge shyǵarýdan bas tartýǵa quqyly.
Osy aqparattyq habarlamada kórsetilgen efır ýaqyty men ınternet alańdaryn berý sharttary men tártibi Qazaqstan Respýblıkasynyń ýákiletti organdarynyń talaptaryna sáıkes túzetilýi múmkin.
1. Kandıdattardyń nemese olardyń ýákiletti ókilderiniń úgit materıaldaryn «Jibek Joly» telearnasynyń efırinde ornalastyrý
| № | Qyzmetter ataýy | Sıpattama | QQS esepke alǵandaǵy quny, teńge | Sıýjet hronometrajynan asyp ketken jaǵdaıda árbir 10 sekýnd úshin quny |
| 1 | «JIBEK JOLY» telearnasynyń efırinde jańalyqtar sıýjetin shyǵarý jáne ornalastyrý | Hronometrajy 3 mınýt (1,5 mınýty kazaq tilinde jáne 1,5 mınýty orys tilinde ) | 600 000 | 34 000 |
| № | Qyzmet ataýy | Hronometraj (sekýndtyq tarıfteýmen) | Sh yǵý ýaqyty | QQS-pen 1 mınýt quny |
| 1 | Ú git materıalyn ornalastyrý | 1 mınýt | 00:00-24:00 | 90000 |
Jazbasha ótinishterdi Telearna menshik ıesi 2022 jylǵy 18 qazannan bastap 2022 jylǵy 15 qarashany qosa alǵanda, demalys jáne mereke kúnderin qospaǵanda, Astana qalasy, Aqmeshit kóshesi 3, PARKLINE BO, 2 qabat, 208 keńse mekenjaıy boıynsha saǵat 10:00 mınýttan saǵat 18:00 mınýtqa deıin qabyldaıdy, telefondary 8 (7172) 95 40 59.
Faksımıldi jáne ınternet baılanysy arqyly jazbasha ótinishter qabyldanbaıdy.
