«Jibek joly» rallıiniń tórtinshi kezeńinde frantsýz Leb márege birinshi bolyp keldi
ASTANA. QazAqparat - Frantsýz avtoshabandozy Sebastıan Leb «Jibek joly» rallıiniń tórtinshi kezeńinde jol talǵamaıtyn kólik jarysynda eń úzdik ýaqyt kórsetti, al chehııalyq Martın Kolomy júk kólikteri arasynda birinshi bolyp keldi.
Frantsýzdyqtyń «Pejosynan» «Mınıdegi» ıAzıd Al-Radjı 22 mınýt qalyp qoıdy, úshinshi bolyp máre syzyǵyn «Fordtaǵy» jarysýshy Eýhenıo Amos qıdy.
Rallıdiń tórtinshi kezeńinde jeńiske jetken «Tatradaǵy» chehııalyq avtoshabandoz Kolomy «Iveko» komandasynyń eki jarysýshysy Jerar de Roı men Artýr Ardavıchıýsti basyp ozdy.
Aıta ketsek, «Jibek joly» rallıi Reseı, Qazaqstan jáne Qytaı aýmaǵynda ótip jatyr. Oǵan 35 eldiń 90 ekıpajy qatysýda.
Rallı 22 shilde kúni Qytaıdyń Sıan qalasynda aıaqtalady.
