«Jibek joly» rallıiniń qazaqstandyq qatysýshylary Máskeýden Qazanǵa deıin 840 shaqyrym júrip ótti
ASTANA. QazAqparat - Qazaqstandyq «MobilEx Racing Team» komandasy Máskeýden Qazanǵa deıin 840 shaqyrym júrip ótip, «Jibek joly» rallıiniń prologyna qatysty.
«Alǵashqy kezeń únemi tájirıbelik bolady, kórermender úshin erteńgi kúni naǵyz start bolatyn sekildi. Munda Qazan qalasyndaǵy qumdy jer eki-aq shaqyrym eken. Búgin jańbyr jaýyp, óte ylǵal aýa raıy boldy. T1 kóliginde júrgender tramplınnen sekirip úlgerdi. Al biz úshin tramplın jaı ǵana tóbeshik sekildi. Sekirý úshin jyldamdyǵymyz asa úlken emes, sondyqtan birqalypty júrdik. Erteńgi jyldamdyq aýmaǵy óte qysqa, keı jerde 130 shaqyrym, keı jerdegi júrip ótýge mindetti jer 450 shaqyrym», - dedi Offroad Kazakhstan komandasynyń pıloty Marat Ábiqaev.
Jańa kólikke boı úıretýge týra kelgendikten, MobilEx Racing Team komandasynyń jarysýshylary úshin avtokólik aýystyrý qıynǵa soǵýda.
Prologtan keıin ıÝrıı Sazonov pen Dmıtrıı Tsyronyń №120 ekıpajy 11 orynǵa ıe boldy, al Erden Shagırov pen Vıtalıı Evtehovtyń №137 ekıpajy 34 orynda. Búgin rallı qatysýshylary Qazannan Ýfaǵa deıin 622 shaqyrymdy júrip ótýi tıis. Onyń 136 shaqyrymy topyraq pen iri qumnan turatyn arnaıy aımaq bolyp sanalady.
