«Jibek joly» rallıiniń fınaldyq kezeńi jol qaýiptiligine baılanysty toqtatyldy
ASTANA. QazAqparat - «Jibek joly» kerýen-ralıiniń jetinshi kezeńindegi sońǵy túnemelik - Chjýnveı qalasyna keldi. Marafonnyń on úshinshi kezeńi 170 shaqyrymǵa beıtaraptaný aımaǵyna bólingen eki arnaıy ýchaskeden turady, dep habarlady «Astana» prezıdenttik klýbynyń baspasóz qyzmeti.
Kezeńniń jalpy uzyndyǵy 690,31 shaqyrym. «Astana» komandasynyń ekıpajy marafonnyń jalpy esebinde 4-shi orynda. Al ótken kezeńde altynshy keldi. Jańbyrly túnnen keıingi Qytaıdyń ylǵaldy, qaýipti qumdy jerlerinen júrip ótý jarysqa qatysýshylardan kóp tájirıbeni talap etedi.
Rallı-marafon aıaqtalǵan joq. Alda uzyndyǵy 646 shaqyrym lıazon kútýde.
«Jibek joly» rallıi jobasynyń basshysy Vladımır Chagın fınaldyq kezeńdi ne úshin toqtatqanyn túsindirdi: «Biz myńdaǵan shaqyrymdy júrip óttik, sońǵy júz shaqyrym týrnır kestesindegi jaǵdaıdy ózgertpeıdi. Bizge ekıpajdardyń qaýipsizdigi mańyzdy, sondyqtan sońǵy ýchaskeni alyp tastaýdy uıǵardyq».
Ekıpaj 14-shi kezeńniń jolyn eńserip, rallı máresine jetýi tıis. Jarystyń resmı nátıjeleri 22 shildede Sıanda «Jibek joly» rallıi máresiniń saltanatty rásiminiń aldynda jarııalanady.
