«Jibek joly» rallı-marafony alǵash ret Shyǵys Qazaqstan aýmaǵyn basyp ótedi
ASTANA. QazAqparat - Máskeýde Reseı, Qazaqstan, Qytaı elderi aýmaǵynda ótenin «Jibek joly 2017» halyqaralyq rallı-marafony marshrýtynyń saltanatty tanystyrylymy uıymdastyryldy, dep habarlady Qazaqstan boıynsha baspasóz úılestirýshisine silteme jasap «QazAqparat» HAA.
Ǵalamshardyń eń uzaq rallıi dástúrli túrde Máskeýdegi Qyzyl alańda 7 shildede bastalady, odan ári jarys óz jolyn shyǵysqa qaraı jalǵastyrady. Qazaqstanǵa kerýen 10 shildede keledi. Rallıdi ótken jylǵydaı birinshi bolyp Qostanaı óńiri qarsy alady, kelesi kúni jarysqa qatysýshylar Qostanaı-Astana baǵytymen jolǵa shyǵady.
11 shildede marafonshylar Qazaqstan astanasyna jetip, EKSPO-2017 halyqaralyq kórmesi aıasynda saltanatty túrde kóshelermen júrip ótý sharasy uıymdastyrylady. 12 shildede kezekti Astana-Semeı baǵytyndaǵy sapar bastalady. Qazaqstandyq marshrýt 13 shildede Semeı-Úrjar kezeńimen aıaqtalady. ShQO-dan «Jibek joly» Qytaıǵa attanady. Qatysýshylar 22 shildede ejelgi Sıan qalasyndaǵy márege jetýi tıis.
Rásimniń resmı bóligine «Jibek joly» rallıi dırektsııasynyń ókilderi, Reseı, Qazaqstan, Qytaıdan uıymdastyrýshylar, áriptester, sondaı-aq RF-daǵy QR Elshiliginiń 2-shi hatshysy Marlen Babashev pen «Nur Otan» partııasynyń Astana qalasyndaǵy fılıalynyń orynbasary Baqyt Saparov qatysady.
Rallı marshrýttarynyń kestesi
7 shilde. Saltanatty bastalýy. Máskeý, Qyzyl alań
8 shilde. 1-kezeń. Máskeý - Cheboksary
9 shilde. 2-kezeń. Cheboksary - Ýfa
10 shilde. 3-kezeń. Ýfa - Qostanaı
11 shilde. 4-kezeń. Qostanaı - Astana
12 shilde. 5-kezeń. Astana - Semeı
13 shilde. 6-kezeń. Semeı - Úrjar
14 shilde. 7-kezeń. Úrjar - Tacheng (QHR)
15 shilde. 8-kezeń. Tacheng - Úrimji
16 shilde. Demalys kúni. Úrimji
17 shilde. 9-kezeń. Úrimji - Hamı
18 shilde. 10-kezeń. Hamı - Dýnhýan
19 shilde. 11-kezeń. Dýnhýan - Tszıaıýıgýan
20 shilde. 12-kezeń. Tszıaıýıgýan - Alashan ıÝtsı
21 shilde. 13-kezeń. Alashan ıÝtsı - Chjýnveı
22 shilde. 14-kezeń. Chjýnveı - Sıan. Fınısh.
