«Jibek joly: Dýnaıdan Orhonǵa deıin» rallıiniń qatysýshylary Aqtaýǵa keldi
Rallı qatysýshylary Aqtaýdaǵy Túrkııa Respýblıkasynyń Bas konsýldyǵynyń ǵımaratyna toqtady.
Rallı 21 tamyzda Majarstannyń Dýnaı ózeniniń jaǵalaýynan jolǵa shyqqan edi. Túrkııa-Grýzııa-Ázerbaıjan marshrýtymen Bakýdan Kaspıı teńizi arqyly Quryqqa jetip, Aqtaýǵa kelgen. Endi árri qaraı Ózbekstan men Qyrǵyzstan respýblıkalaryna jol tartpaq.
«Mańǵystaý oblysynyń Aqtaý qalasyna ekinshi ret kelip turmyn. Munda osydan 1 jyl buryn bolǵanbyz. Endi osy Jibek joly rallıin uıymdastyryp, Jibek jolynda ornalasqan barlyq baýyrlas, dos elderdiń ústinen ótip jatyrmyz. Ótken aptada Majarstan astanasy Býdapesht qalasynan 15 avtokólikpen bastaǵan bolatynbyz. Búgin Aqtaýǵa 11 avtokólikpen keldik. Keıbir kólikterimiz Grýzııada, basqa elderde qalyp qoıdy. Qazaqstanǵa kelgenimizge qýanyshtymyz. Osy el Jibek joly rallıimizdegi eń qyzyqty elderdiń jáne marshrýttyń biri bolaıyn dep tur», - dedi «Jibek joly: Dýnaıdan Orhonǵa deıin» rallıiniń jetekshisi Nadır Serın.
Joba maqsaty – saıahat baǵdary boıynda ornalasqan elder men qalalardyń tarıhı, mádenı, tabıǵı jáne týrıstik tartymdylyǵyn tanytý, sondaı-aq mádenıetaralyq baılanysty nyǵaıtý.