«Jibek Joly – dıalog joly» halyqaralyq ekspedıtsııasy jolǵa shyqty
Ekspedıtsııany QR Mádenıet jáne sport mınıstrliginiń Týrızm ındýstrııasy komıtetiniń tapsyrysymen «Kazakh Tourism» UK» AQ uıymdastyrýda.
Ekspedıtsııanyń bastalýyna oraı búgin Visit Almaty týrıstik aqparattyq ortalyǵynyń baspasóz ortalyǵynda «Kazakh Tourism» UK» AQ marketıng, tsıfrlandyrý jáne baılanys bóliminiń menedjeri D. Tegenbaev, ekspedıtsııa jetekshisi Á. Ahmedjanov, jolnusqaýshy B. Іzmaǵambetov jáne «QazaqGeography» RQB baspasóz qyzmetiniń qyzmetkeri A. Jumataeva baspasóz máslıhatyn ótkizdi.
Uıymdastyrýshylardyń aıtýynsha, jobanyń negizgi maqsaty — ekspedıtsııa kezinde týrıstik nysandardy tizbekteý, ınfraqurylymdy jaqsartý boıynsha usynystar engizý jáne jańa transshekaralyq baǵyttardy qurý arqyly ishki jáne syrtqy týrızmniń áleýetin damytý. Sheteldik qonaqtar Qazaqstan, Ózbekstan jáne Qyrǵyzstan tarıhymen tanysýǵa jáne osy aýmaqta ómir súrgen baıyrǵy halyqtar mádenıetin tamashalaýǵa qyzyǵýshylyq tanytady.
Atalmysh ekspedıtsııa QR Tuńǵysh Prezıdenti – Elbasy N. Nazarbaevtyń «Uly dalanyń jeti qyry» maqalasy jáne «Rýhanı jańǵyrý» baǵdarlamasy aıasynda Qazaqstannyń mádenı-geografııalyq obektileriniń týrıstik áleýetin paıdalaný mindetin tolyq júzege asyrylýyna edáýir úles qosatyndyǵyn atap ótken jón.
Baspasóz konferentsııasynan keıin kásipqoılar toby Qazaqstan, Qyrǵyzstan jáne Ózbekstan baǵytynan turatyn on úsh kúndik ekspedıtsııaǵa attandy. Ekspedıtsııa quramynda bilikti jýrnalıstter, fotograftar, telearnalardyń túsirilim toby, týrıstik blogerler men týroperatorlar bar. Sapardyń nátıjesi boıynsha elimizdiń tabıǵı nysandary boıynsha jańa týrıstik baǵyttar, sapaly foto-jáne vıdeobankter qurylady. Bolashaqta bul aqparat kórshiles Qyrǵyzstan, Ózbekstan elderiniń jáne otandyq týrkompanııalarǵa beriletin bolady.
Ekspedıtsııa quramy kelesi baǵyt boıynsha júrip ótpek: Almaty qalasy – ÚAK – Esik ańǵary – Sharyn shatqaly – Kólsaı – Qarakól – Kadjı-Saı – Tokmok – Sýýsamyr – Talas – Taraz – Aqmeshit úńgiri – Saýran – Túrkistan – Arystan-bab – Otyrar – Shymkent – Tashkent – Samarqan – Qazyǵurt – Merke – Tańbaly – Almaty qalasy.
Qatysýshylardyń erekshe saıahaty Almaty oblysynyń kórneki jerlerinen bastalady: Úlken Almaty kóli (BAO), «Medeý», «Shymbulaq», Sharyn shatqaldary. Odan ári «Tıan-Shannyń kók marjany» atalyp ketken Kólsaı kólderine qaraı jol tartady. Úshinshi kúni Qyrǵyzstan shekarasynan asý josparlanǵan. Úsh kún boıy qatysýshylar Ystyqkóldiń ákimshilik ortalyǵyn jáne Qarakól qalasyn, Jeti-Oǵyz shatqalyn, Teriskeı Ala-Too jotasynyń soltústik baýraıynda ornalasqan Barskoon shatqalyn aralaıdy.
Ári qaraı qatysýshylar Uly Jibek jolynyń ortalyǵynda ornalasqan Azııa men Eýropa arasyndaǵy saýda joldaryn biriktirgen Ejelgi Tarazǵa taban tireıdi. Munda olar kóptegen tarıhı eskertkishtermen tanysady: Qarahan kesenesi, ejelgi sáýlettiń naǵyz jaýharlary — Babajı-hatýn men Aısha bıbi keseneleri, Aqyrtas jáne ejelgi Taraz arheologııalyq kesheni, t.b. Sondaı-aq, ashyq aspan astyndaǵy arheologııalyq eskertkish, ıÝNESKO-nyń qorǵaýyndaǵy Otyrar qalashyǵyna barady. Odan ári qatysýshylar kórshiles Ózbekstannyń erekshe jerlerin aralap ótpekshi. Jospar boıynsha, joba 1-qyrkúıekte Almaty qalasynda aıaqtalady.
