Jibek joly aýylynda zamanaýı balabaqsha ashyldy – Aqmola oblysy
KÓKShETAÝ. QazAqparat – Arshaly aýdanynyń Jibek joly aýylynda zamanaýı balabaqsha ashyldy. Aýmaǵy 270 sharshy metr mektepke deıingi bilim berý mekemesinde oqý, oıyn bólmeleri, tuz shahtasy bar, balalardyń tálim-tárbıe alýyna barlyq jaǵdaı jasalǵan. Pedagogtar quramy tájirıbeli jáne bilikti tárbıeshilerden quralǵan, dep habarlaıdy QazAqparat tilshisi aýdan ákimdiginiń baspasóz qyzmetine silteme jasap.
Arshaly aýdany ákiminiń orynbasary Abaı Bekbaevtyń aıtýynsha, búgingi tańda aýdanda memlekettik-jekeshelik áriptestikti damytý eń basty baǵyttardyń biri bolyp otyr. Osy rette, aýdanda mektep jasyna deıingi balalardy qamtý kórsetkishi 84 paıyzdy quraıdy. Jaqynda Qostomar aýylynda balabaqsha esigin aıqara ashty. Aldaǵy ýaqytta Arshaly kenti men Volgodon aýyldyq okrýginde 2 balabaqsha ashý josparlanǵan.
Balabaqsha tabaldyryǵyn attaǵan kishkentaı Álıhannyń ájesi Sáýle Asaýbaeva da óziniń qýanyshymen bólisti.
«Balabaqshanyń ashylýy biz úshin úlken syı boldy. Óte yńǵaıly jerde ornalasqan, jabdyqtar men bólmeleri jańa, sapasy da kóńilden shyǵady. Nemereme qaraıtyn bolamyn, ata-anasy alańsyz jumystaryn isteıtin bolady», - dedi Sáýle Asaýbaeva.
