«Jibek joly - 2018» rallı-marafonynyń joly tekserildi
ASTANA. QazAqparat - Rallı dırektsııasy baǵytty sholý toby bıyl Qytaıdan Reseıge deıin jalǵasatyn (2018 jyly 15-27 shilde) «Jibek joly - 2018» rallı-marafony úshin jol salýdy aıaqtady, dep habarlaıdy SIA ">"SPORTINFORM" SAA Silk Way Rally baspasóz qyzmetine silteme jasap.
2016 jyly transulttyq marafonynyń qatysýshylary «Jibek jolyn» álemdegi eń qıyn jarys dep ataǵan bolatyn.
Eske salaıyq, eki jyl buryn Silk Way Rally 2016 marshrýty Qazaqstannyń Qostanaı, Astana, Balqash, Almaty qalalary, 2017 jyly Qostanaı, Astana, Semeı, Úrjar arqyly ótken edi.
Jarystyń marshrýty qaıda ótetini jáne joldyń qalaı tóseletini týraly sheshim onyń aldyndaǵy jarys aıaqtalǵan kezde qabyldanady.
Tańdalyp alynǵan negizgi marshrýt ár eldi birneshe ret basyp ótedi. Bul maýsymda sholýshylar toby nemese «rekkonessans» komandasy Qytaıǵa Toyota Hillux jol talǵamaıtyn kóligimen jolǵa shyqty. Olar jolmen tanysyp, jol kitabyn («roýd-býk») jasady.
Rallı-marafon marshrýtyna sholý jasaıtyn halyqaralyq komandanyń jumysyna jarysýshylar úshin baǵyttyń qıyndyǵy jáne qyzyqtylyǵy, qatysýshylar, kórermender jáne jergilikti turǵyndar úshin joldyń qaýipsizdigi, ekologııalyq jáne zańnamalyq normalardyń oryndalý talaptary jatady.
Marshrýttyń Qytaıdaǵy bóliginde jarystyń bes kezeńi bolady. Jarysýshylar qumdy jol arqyly Gobı shólimen júrip ótedi.
«Rekonessans» toby marshrýttyń qytaılyq bóligine sholý jasaǵannan keıin, marafonnyń bes kezeńi ótetin Reseı joldaryn qarap shyqty. Jarysqa qatysýshylar Astrahandaǵy qum men Volgo-Don dalasymen júrip, Qyzyl alańǵa kelýi tıis.
Aıta keteıik, bıyl transqurlyqtyq jarys Qazaqstan aýmaǵynda da bolady. Rallı Qytaıdyń Sıan qalasynda bastalyp, Máskeýde aıaqtalady.
