«Jibek joly - 2017» rallıi: Artýr Ardavıchýstyń kóligi órtenip kete jazdady
ASTANA. QazAqparat - «Jibek joly - 2017» Halyqaralyq rallı jarysynyń besinshi kezeńi aıaqtady. «Astana - Semeı» ýchaskesin eńsergen avtoshabandozdar biraz qıynshylyqtarǵa tap boldy. Júk kólikteri sanatyndaǵy «Astana Motosport» ekıpajy da áýrege tústi. Akseleratordyń pedali istemeı qalyp, dońǵalaǵyn órt shaldy, dep habarlaıdy QazAqparat tilshisi.
«Bul jarysta avtoshabandozdar baryn saldy. Bir-birimizdi qýyp jetý múmkin bolmady. Shynyn aıtý kerek, biz bir-birimizdi kórmeı keldik. Sosyn biraz qıynshylyqtar boldyq. Máselen, bizde akselerator pedali istemeı qaldy. Qaı jyldamdyqty qossaq ta, qozǵaltqysh maksımaldy aınalymda isteı berdi. Sóıtip, júk kóligimiz julqyp-julqyp júrdi.Tejegishti basyp otyrýǵa týra keldi. Sonyń saldaryna teshegish qalyptary qyza berdi»,- deıdi «Astana Motosport» ekıpajynyń kapıtany Artýr Ardavıchýs.
Onyń aıtýynsha, kólik durys istemegennen keıin toqtaýǵa týra keldi. Sol kezde Ardavıchýs artqy sol jaq dońǵalaqtan tútinniń shyǵyp jatqanyn baıqady. «Qarasam, tejegish dıskisi mensýpport arasynda turyp qalǵan qurǵaq shóp tútindep jatyr. Ony taıaqpen shuqyp kórip edim, lap ete tústi. Qaıta órtti óshirip úlgerdik. Sosyn artqy oń jaq dońǵalaq ta isten shyqty. Sýpport shashylyp qaldy», - dep atap kórsetti Ardavıchýs.
Aıta ketken jón, «Astana-Semeı» ýchaskesinde «Astana Motosport» ekıpajy jarysty on birinshi orynda aıaqtady. Al jalpy marafonda besinshi orynda keledi. 
Bıylǵy «Jibek joly - 2017» Halyqaralyq rallıi 7 shilde kúni Máskeý qalasynda bastalǵan bolatyn . Astanadan keıin jarys qatysýshylary Semeı men Úrjar arqyly Qytaıǵa ótip ketedi. Al 22 shildede Sıan qalasynda jeńimpazdar anyqtalady. "Jibek joly - 2017" rallıine 35 eldiń 90 ekıpajy qatysýda. Olardyń quramynda 41 jol talǵamaıtyn kólik pen 21 júk kóligi bar. Jarysty 196 memlekette 55 iri buqaralyq aqparat quraldary kórsetip jatyr.
