«Jibek joly-2016»: Balqash mańyndaǵy trassada frantsýzdyq rallıge qatysýshynyń kóligi alty ret aýdaryldy
ASTANA. QazAqparat - Silk Way Rally rallı-marafonynyń besinshi kezeńi kúrdeli boldy. 562 kılometr arnaıy ýchaske, 36 gradýs ystyq pen jergilikti jaǵdaı kóptegen qatysýshylardy jarys jolynan shyǵardy, dep habarlady qazaqstandyq MobilEx Racing komandasynyń baspasóz qyzmetinen.
Jarys lıderi, frantsýzdyq rallıge qatysýshy Stefan Petransel apatqa ushyraǵan.
«Aldyńǵy dońǵalaǵy shuńqyrǵa sátsiz túsip ketip, Petranseldiń Peugeot alty ret aýdaryldy. Abyroı bolǵanda, Stefan men onyń shtýrmany Jan-Pol Kottret japa shekpedi, olar jarysty jalǵastyrýy múmkin», - dep habarlady komandanyń baspasóz qyzmetinen.
Qazaqstandyq ekıpajdar jarysty jalǵastyryp jatyr. MobilEx Racing Team komandasynyń №120 ekıpajy ıÝrıı Sazonov pen Vıtalıı Evtehov T1 sanatynda segizinshi bolyp márege jetti.
Jalǵyz frantsýz júrgizýshisi ǵana emes, sonymen qatar №137 ekıpaj - Erden Shágirov pen Vıtalıı Evtehovtyń Hummer H3 Evo VIII artqy dońǵalaǵynyń kúpshegi alynyp qaldy. Olar jarysty jalǵastyra almady.
