«Jibek joly - 2014» rallıiniń úsh kezeńi Qazaqstanda ótedi
ASTANA. QazAqparat - «Jibek joly - 2014» rallıiniń úsh kezeńi Qazaqstan aýmaǵynda ótedi, dep málimdedi joba jetekshisi Frederık Lekıen. Bul týraly sports.kz habarlady.
Jarystar 4 shildede Máskeýdegi Qyzyl alańda bastalyp, 12 shildede Astanada aıaqtalady. «Máskeý-Cheboksary-Qazan-Býgýlma-Oral-Beıneý-Atyraý-Astrahan» jolbaǵytynyń jalpy uzyndyǵy 5 myń shaqyrym. Áýelde onyń 3,5 myń shaqyrymy arnaıy ýchaskeler arqyly ótiledi dep josparlanǵan bolatyn, qorytyndysynda arnaıy ýchaskeler uzyndyǵy 3 myń shaqyrymǵa deıin qysqardy.
«2014 jylǵy rallı jolbaǵyty múldem jańa, úsh kezeńi Qazaqstan aýmaǵy arqyly ótedi. Oǵan qatysýshylar «Jibek joly» rallıinen zor qanaǵat alady», degen Lekıenniń sózin keltirgen rallıdiń baspasóz qyzmeti.
«Jibek joly» 2009 jyldan beri Reseı, Qazaqstan jáne Túrikmenstan aýmaǵynda ótkizilip kele jatqan halyqaralyq rallı-reıdi. Rallıge jol talǵamaıtyn jáne júk mashınalary qatystyrylady.
