Jibek Mýsınovanyń isine qatysty apellıatsııalyq shaǵym qaralady
TALDYQORǴAN. QazAqparat - Jibek Mýsınovanyń isine qatysty apellıatsııalyq shaǵym qaralady. Atalǵan protsess 14-shi aqpan kúni Almaty oblystyq sotynda ótedi, dep habarlaıdy QazAqparat tilshisi.
Іsti qaraý ýaqyty saǵat 11:00-ge belgilendi. Apellıatsııalyq shaǵymdy aıyptalýshy taraptyń qorǵaýshylary túsirdi. Olar sot úkimimen kelispeıdi, jaza tym qatal dep otyr. Al jábirlenýshi Jibek Mýsınova da shaǵym túsirgen. Ol kerisinshe, sottalǵandardyń jazasyn qatańdatý kerek dep sanaıdy.
Esterińizge sala keteıik, 28-shi qarasha kúni Jibek Mýsınovany zorlady degen aıyppen 4 azamatqa úkim shyqty. Tórteýi segiz jyldan on jylǵa deıin sottaldy. Jazalaryn jalpy rejımdegi kolonııada óteıdi.
Al, Jibek Mýsınovany zorlaǵandardyń isi Eńbekshiqazaq aýdandyq sotynda qaraldy. Prokýror 4 azamatty 11 jylǵa deıin bas bostandyǵynan aıyrýdy suraǵan edi.
Aıta ketý kerek, 18 tamyzda jábirlenýshiniń anasy áleýmettik jeli arqyly qyzyn 4 azamat zorlap ketkendigi jóninde aıtyp, istiń ádil ótýine kómek suraǵan bolatyn. Artynsha kúdiktiler qamaýǵa alyndy jáne isti oblystyq ІІD tikeleı baqylaýǵa alǵan edi.
