Jibek Qulymbetova djıý-djıtsýdan Azııa chempıony atandy
«Kúlgin» belbeýdiń ıegeri Jibek Qulymbetova atalǵan jarysta birinshi altyn medaldi óz jasynda, ıaǵnı, 16-17 jas aralyǵynda, ekinshi altyn medaldi 18 jastan joǵary sportshylar arasynda jeńip aldy. 18 jastan joǵary sportshylar arasynda úsh kezdesý ótkizdi. Fınalda qarsylasy ózinen 9 jas úlken, 25 jastaǵy arabtyń sportshysy Maıta Sheraımdy jeńdi.
«Dýbaıda ótken osy jarysqa attanar kezde Prezıdentimiz Qasym-Jomart Toqaevpen kezdesip, sporttaǵy jetistigimdi aıtyp, aldaǵy josparlarymmen bólisken edim. Qasym-Jomart Kemeluly jarystaryma sáttilik tilep, maǵan qanat bitirdi. Prezıdentpen kezdesý men úshin úlken motıvatsııa boldy jáne keremet áser aldym. Osy kezdesýden keıin jigerlenip, Dýbaıda ótetin Djıý-djıtsýdan halyqaralyq jarysqa attandym», - dep jazdy Jibek Instagram paraqshasynda.
Eske salaıyq, Jibek Qulymbetova – Almaty oblysynan Saǵadat Nurmaǵambetov atyndaǵy «Saǵadat batyr – QTT» sport klýbynyń tárbıelenýshisi. Djıý-djıtsýdan jeti dúrkin, grepplıngten álem chempıony, sambodan álem chempıonatynyń qola júldegeri, kóptegen halyqaralyq jáne respýblıkalyq jarystardyń jeńimpazy.
Ol buǵan deıin 2018, 2019, 2021, 2022, 2023 jyldary álem chempıony atanǵan edi.
Sonymen birge Jibek Qulymbetova bıyl tamyz aıynda Astanada ótken Ju-Jitsu Youth World Championship Astana 2023 álem chempıonatynda altyn medalǵa ıe bolǵan edi.
Jibek sondaı-aq QazAqparat tilshisine eksklıýzıvti suhbat bergen bolatyn. Ony osy jerden oqı alasyzdar.
