Jibek Qulambaeva Shymkent týrnıriniń shırek fınalyna shyqty
NUR-SULTAN. QazAqparat – Qazaqstandyq Jibek Qulambaeva Shymkentte ITF serııasy boıynsha ótip jatqan týrnırdiń shırek fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, álemniń 489-raketkasy J.Qulambaeva jekeleı synda ekinshi aınalymda dúnıejúzilik reıtıngte 1142-orynda turǵan reseılik Marııa Krýpenınamen kezdesti.
Jarystyń birinshi raketkasy bolyp tirkelgen qazaqstandyq tennısshi 6:2, 6:1 esebimen jeńiske jetti.
J.Qulambaeva juptyq synda osy jarystyń jartylaı fınalyna da ótti. Ol reseılik Anastasıch Sýhotınamen birge shırek fınalda reseılik Elızaveta Shebekına – belorýssııalyq Ksenııa Ershtan 6:4, 6:2 esebimen basym tústi.
Taǵy bir qazaqstandyq Beıbit Jýkaev Týnıste ótip jatqan ITF M15 jarysynyń shırek fınalyna shyqty. Ol ekinshi aınalymda frantsııalyq Martın Breısahty joldan taıdyrdy – 6:4, 4:6, 6:3.
Eske sala keteıik, budan buryn ıÝlııa Pýtıntsevanyń Ystanbul týrnıriniń shırek fınalyna shyqqanyn, Elena Rybakınanyń tartysty matchta álemniń úshinshi raketkasyna jol bergenin jazǵan bolatynbyz.
