Jibek Qulambaeva Serbııadaǵy jarystyń jartylaı fınalyna shyqty

ASTANA. QazAqparat – Qazaqstandyq, álemniń 447-raketkasy Serbııanyń Kýrshýmlııa-Banıa qalasynda ótip jatqan ITF W15 týrnıriniń jartylaı fınalyna shyqty, dep habarlaıdy QazAqparat tilshisi.

Qazaqstandyq tennısshi shırek fınalda dúnıejúzilik reıtıngte 1019-orynda turǵan slovakııalyq Nına Vargovamen sheberlik baıqasty.

Tartysty ótken matchta J.Qulambaeva eki taı-breıkte basymdylyq tanytty – 7:6 (7:5), 7:6 (7:5).

Jibek Qulambaeva fınalǵa shyǵý úshin ıtalııalyq Denız Valente nemese ulybrıtanııalyq Eleanor Bagloýdyń qaı jeńgenimen talasady.

Eske sala keteıik, budan buryn Rolan Garros týrnırinde Tımofeı Skatov irikteý saıystarynyń fınalyna ótkenin jazǵan bolatynbyz.

Sondaı-aq Parıjde Frantsııa ashyq chempıonatynyń jerebesi tartyldy.