Jibek Qulambaeva Praga týrnıriniń fınalyna shyqty

ASTANA. QazAqparat – Qazaqstandyq Jibek Qulambaeva juptyq synda Chehııa astanasy Pragada topyraq tósenishinde ótip jatqan ITF týrnıriniń fınalyna shyqty, dep habarlaıdy QazAqparat tilshisi.

Qazaqstandyq tennısshi Polsha ókili Martına Kýbkamen birge shırek fınalda tartysty matchta rýmynııalyq Krıstına-Andrea Mıtý – ýkraınalyq Valerııa Strahovany 4:6, 7:5, 10:8 esebimen tize búktirdi.

Qazaqstandyq-polıak juby jartylaı fınalda bir saǵatqa jýyq ýaqytqa sozylǵan básekede jarystyń 4-raketkalary, rýmynııalyq Irına Bare – grýzııalyq Ekaterına Gorgodzeni 6:2, 6:1 esebimen oısyrata utty.

J.Qulambaeva – M.Kýbka fınalda dodanyń 1-raketkalary, ıtalııalyqtar Angelıka Moratellı – Kamılla Rozatellomen bas júlde úshin talasady.

Budan buryn 23 jastaǵy Jibek Qulambaeva belorýssııalyq ıÝlııa Gotovkomen birge Rımde osyndaı jarysta jeńimpaz atanǵan edi.

Eske sala keteıik, budan buryn Elena Rybakınanyń AQSh ashyq chempıonatynyń úshinshi aınalymyna ótkenin jazǵan bolatynbyz.

Sondaı-aq Anna Danılına ekinshi aınalymǵa joldama aldy.

Andreı Golýbev bastapqy kezdesýin sátti ótkizdi.