Jibek Qulambaeva Óskemen týrnıriniń fınalyna joldama aldy
NUR-SULTAN. QazAqparat – Qazaqstandyq Jibek Qulambaeva juptyq synda Óskemen ITF W25 - Kazzinc Open týrnıriniń fınalyna joldama aldy, dep habarlaıdy QazAqparat tilshisi.
J. Qulambaeva jekeleı synda otandasy Gózal Aınıtdınovaǵa jol bergenimen, reseılik Ekaterına Kazıonovamen birge juptyq kezdesýlerin sátti ótkizdi.
J. Qulambaeva men E. Kazıonova jartylaı fınalda reseılik Polına ıAtsenko - Belarýs ókili Darıa Shaýhamen sheberlik baıqasty.
Jarystyń ekinshi raketkalary bolyp tirkelgen qazaqstandyq-reseılik jup qarsylastaryna birde-bir geım bergen joq – 6:0, 6:0.
Erteń, 13 tamyz kúni Jibek Qulambaeva men Ekaterına Kazıonova reseılikter Ekaterına Maklakova - Aleksandra Pospelovamen bas júldeni sarapqa salady.
Eske sala keteıik, budan buryn Qazaqstan tennıs federatsııasynyń prezıdenti qazaqstandyq tennısshilerdiń tabysy kezdeısoqtyq emestigi týraly aıtqanyn jazǵan bolatynbyz.
Sondaı-aq, ıÝlııa Pýtıntseva Toronto týrnıriniń shırek fınalyna shyǵyp, Devıs kýbogynyń fınaldyq kezeńine qatysatyn Qazaqstan erler quramasy anyqtaldy.
Al, Gózal Aınıtdınova Óskemen týrnıriniń jartylaı fınalyna ótti.
