Jibek Qulambaeva Italııadaǵy jarystyń jartylaı fınalyna shyqty
ASTANA. QazAqparat – Qazaqstandyq Jibek Qulambaeva juptyq synda Italııadaǵy Barı chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq tennısshi frantsııalyq Karol Monnemen birge shırek fınalda ıspanııalyq Marına Bassols – brazılııalyq Laýra Pıgossımen synǵa tústi.
Qazaqstandyq-frantsııalyq jup 7:6 (7:2), 6:0 esebimen basym tústi. Bir saǵat 19 mınýtqa sozylǵan matchta olar 11 breık-poınttyń altaýyn múlt jibermedi. Ispanııalyq-brazılııalyq dýet 1 eıs, 3 breıkpen (4 breık-poınt) kózge tústi.
J.Qulambaeva – K.Monne fınalǵa shyǵý úshin grekııalyq Valentını Grammatıkopýlý – frantsııalyq Elıksan Lechemııamen talasady. Bul jup jarystyń 2-raketkalary, slovenııalyq Dalıla ıAkýpovıch – reseılik Irına Hromachevadan aılasyn asyrdy – 6:1, 6:4.
Taǵy bir qazaqstandyq, álemniń 129-raketkasy Tımofeı Skatov jekeleı synda Sevılıa (Ispanııa) chellendjer dodasynda reıtıngte 335-orynda turǵan frantsııalyq Valentın Roıege jol berdi – 3:6, 2:6.
Eske sala keteıik, budan buryn Anna Danılınanyń mıkste AQSh ashyq chempıonatynyń fınalyna shyqqanyn jazǵan bolatynbyz.
Sondaı-aq Elena Rybakına alǵash ret WTA qorytyndy týrnırinde oınaıdy.
