Jibek Qulambaeva Italııadaǵy týrnırdiń shırek fınalyna joldama aldy

ASTANA. QazAqparat – Qazaqstandyq Jibek Qulambaeva juptyq synda Italııanyń Barı qalasynda ótip jatqan chellendjer týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi frantsııalyq Karol Monnemen birge bastapqy kezdesýin ıtalııalyqtar Djordjııa Pedone – Djennıfer Rýggerımen ótkizdi.

Qazaqstandyq-frantsııalyq jup saǵat jarymnan astam ýaqytqa sozylǵan matchta 6:2, 6:7 (8:10), 10:2 esebimen basym tústi.

J.Qulambaeva – K.Monne jartylaı fınalǵa shyǵý úshin ıspanııalyq Marına Bassols – brazılııalyq Laýra Pıgossımen talasady.

Budan bir apta buryn J.Qulambaeva Polsha ókili Martına Kýbkamen birge Pragada ITF jarysynyń jeńimpazy atanǵan edi.

Eske sala keteıik, budan buryn Novak Djokovıchtiń tennısten álem rekordyn ornatqanyn jazǵan bolatynbyz.

Sondaı-aq Denıs Evseev Túrkııada Ystanbul jarysynyń shırek fınalyna shyqty.

Al Tımofeı Skatov Ispanııada Mıhaıl Kýkýshkındi utyp, shırek fınalǵa ótti.