Jibek Qulambaeva Italııada Rım jarysynyń fınalyna joldama aldy

ASTANA. QazAqparat – Qazaqstandyq Jibek Qulambaeva juptyq synda Rım (Italııa) ITF W60 týrnıriniń fınalyna shyqty, dep habarlaıdy QazAqparat tilshisi.

Qazaqstandyq tennısshi belorýssııalyq ıÝlııa Gotovkomen birge úsh kezdesýin sátti ótkizdi.

Olar aldymen jarystyń 4-raketkalary, amerıkalyq Anna Sınkler Rodjers – Sofııa Sevıngti 6:3, 6:1 esebimen meselin qaıyrdy. Sodan keıin dál sondaı eseppen ıtalııalyqtar Debora Keza – Djordjııa Pedoneni qapy qaldyrdy.

Jartylaı fınalda bolgarııalyq Dııa Evtımova – frantsııalyq Marın Partodan aılasyn asyrdy – 6:4, 6:2.

Jibek Qulambaeva – ıÝlııa Gotovko fınalda týrnırdiń 1-raketkalary, kolýmbııalyqtar ıÝlıana Lızarazo – Marııa Paýlınamen tıtýl úshin synǵa túsedi. Match 15 shilde kúni Astana ýaqytymen saǵat 14.00-de ótedi.

Jekeleı synda álemdik reıtıngte 435-orynda turǵan J.Qulambaeva osy dodada ekinshi aınalymda álemniń 249-raketkasy, makedonııalyq Lına Gercheskaǵa tartysty matchta jol berdi – 6:4, 2:6, 3:6.

Eske sala keteıik, budan buryn 16 jastaǵy tennısshiniń Qazaqstan spartakıadasynyń chempıony atanǵanyn jazǵan bolatynbyz.

Sondaı-aq ıÝlııa Pýtıntseva Shvetsııadaǵy týrnırdiń fınalyna shyǵa almady.

Andreı Golýbev juptyq synda Aýstrııadaǵy týrnırdiń fınalyna shyqty.

15 jastaǵy Zara Dárken alǵash ret WTA 250 týrnırinde oınaıdy.