JI-men jumys isteýge arnalǵan korporatıvtik oqytý baǵdarlamasy iske qosylady - mınıstrlik
ASTANA. KAZINFORM - Qazaqstan Respýblıkasy Jasandy ıntellekt jáne tsıfrlyq damý mınıstrligi qazaqstandyq bıznesti aýqymdy transformatsııalaýdy bastaıdy, dep habarlaıdy mınıstrliktiń baspasóz qyzmeti.
AI Corporate atty jańa baǵdarlama kompanııa qyzmetkerlerin kúndelikti mindetterdi jasandy ıntellektige ókilettik berý úshin úıretýge baǵyttalǵan. Astana Hub jáne táýelsiz Blockchain and AI Technology Center (BAITC) zertteý ınstıtýtymen birlesip, kompanııa qyzmetkerlerine arnalǵan qarqyndy oqytý kýrsy iske qosylady.
Baǵdarlama kúndelikti jumysta JI-quraldaryn meńgerýge baǵyttalǵan bazalyq daǵdylardan bastap bıznes-protsesterde senimdi qoldanýǵa deıin qamtıdy.
AI Corporate baǵdarlamasynyń iske qosylýy kompanııalarda zamanaýı tsıfrlyq mádenıetti qalyptastyrýǵa jáne barlyq deńgeıdegi qyzmetkerlerdiń JI-saýattylyǵyn arttyrýǵa baǵyttalǵan.
Óz sózderinde Premer-mınıstrdiń orynbasary - Jasandy ıntellekt jáne tsıfrlyq damý mınıstri Jaslan Mádıev JI ónimdilikti arttyrý men sheshimderdiń sapasyn jaqsartýdyń quralyna aınalýy tıis ekenin, al kadrlardy daıarlaý ekonomıkanyń básekege qabilettiligin aıqyndaıtyn negizgi faktorlardyń biri ekenin atap ótedi.
Baǵdarlama JI jumys isteý qaǵıdalaryn bazalyq deńgeıde túsinýden bastap, operatsııalyq jáne basqarýshylyq mindetterde JI-quraldaryn praktıkalyq qoldanýǵa deıingi júıeli marshrýt retinde qurylǵan. Oqytý ádistemesi JI-quzyretterin kezeń-kezeńimen qalyptastyrýdy kózdeıdi jáne aldyn ala tehnıkalyq daıyndyqty talap etpeıdi.
Baǵdarlama praktıkalyq sıpatqa ıe jáne qyzmetkerlerge keńse ortasynda JI-quraldaryn qoldanýdy meńgerýge kómektesedi.
Qujattarmen jumys:
kúndelikti protsesterdi avtomattandyrý;
Kommýnıkatsııalar: seriktestermen ózara is-qımyldy ońtaılandyrý jáne suranystarmen jumys;
Oqytý formaty offlaın sabaqtardy jáne bıznesten shaqyrylǵan sarapshylar qatysatyn jabyq vebınarlardy qamtıdy. Olar kompanııalarda JI engizýdiń naqty keısterimen bólisedi. AI Corporate baǵdarlamasy 50 000-nan astam adam ótken AI Qyzmet jobasynyń tabysty tájirıbesine súıenip, ony tereń ári júıeli formatta damytady.
-JI boıynsha korporatıvtik oqytý - naryq damýynyń kelesi kezeńi. Kompanııalar tehnologııalardyń qundylyǵyn túsine bastady, alaıda turaqty nátıje úshin bazalyq túsinikten bastap, naqty protsesterge JI-sheshimderdi engizýge deıingi júıeli tásil qajet. AI Corporate baǵdarlamasy osy joldan kezeń-kezeńimen ótýge jáne jasandy ıntellektini komandalardyń kúndelikti jumysyna kiriktirýge múmkindik beredi, — dep atap ótti Astana Hub basqarýshy dırektory Valerııa Te.
Oqytý qorytyndysy boıynsha tyńdaýshylar sertıfıkat alyp, kompanııalar operatsııalyq táýekelderdi tómendetýge jáne bıznestiń praktıkalyq tıimdiligin arttyrýǵa arnalǵan quralǵa ıe bolady.
AI Corporate baǵdarlamasynyń pılottyq legin daıyndaý aıasynda kompanııalardan ótinimder qabyldaý ashyq. Qatysýǵa ótinimdi 15 qańtarǵa deıin BAITC jáne Astana Hub resýrstaryndaǵy onlaın tirkeý formasyn toltyrý arqyly berýge bolady.
Baǵdarlama týraly qosymsha aqparat alý jáne ótinim berý úshin myna silteme bilýge bolady: