JI mamandaryn daıarlaý úshin 12 sheteldik JOO tartyldy

ASTANA. KAZINFORM — Jasandy ıntellekt salasynda kadrlar daıarlaý úshin 12 sheteldik joǵary oqý orny tartyldy. Bul týraly Ǵylym jáne joǵary bilim vıtse-mınıstri Gúlzat Kóbenova aıtyp berdi.

Onyń aıtýynsha, tsıfrlyq memleketke kóshý jaǵdaıynda tsıfrlandyrý jáne JI-di engizý úshin joǵary bilikti kadrlar qajet.

– Osy máseleni sheshý úshin ekonomıkanyń transformatsııasy kadrlardy jedel daıarlaýdy talap etetin salalarǵa álemniń jetekshi ýnıversıtetteri tartylyp jatyr. Jalpy, JI salasynda kadr daıarlaýǵa 12 sheteldik joǵary oqý orny qatysady, – dedi G.Kóbenova Ortalyq kommýnıkatsııalar qyzmetinde ótken brıfıngide.

Qorqyt ata atyndaǵy Qyzylorda ýnıversıtetinde Seýl tehnıkalyq ýnıversıtetimen birlesip, JI jáne ınformatıka joǵary mektebi ashyldy. Sondaı-aq Q.Sátbaev atyndaǵy QazUTZÝ bazasynda City University of Hong Kong fılıaly jasandy ıntellekt boıynsha qos dıplomdy baǵdarlamalar iske qosyldy.

Sonymen birge, Qazaqstanda úsh «Lý Ban sheberhanasy» qurylyp jatyr. Birinshisi D.Serikbaev atyndaǵy Shyǵys Qazaqstan tehnıkalyq ýnıversıteti bazasynda ashyldy. Ekinshisi L.N.Gýmılev atyndaǵy Eýrazııa ulttyq ýnıversıteti bazasynda, úshinshisi M.Tynyshpaev atyndaǵy Logıstıka jáne kólik akademııasynda ornalasqan.

Aıta keteıik, OpenAI Qazaqstannyń 165 myń pedagogine tegin lıtsenzııa beretin boldy.

Sondaı-aq Qazaqstanda 385 mamandyq joıylyp barady.