JI ken oryndarynyń jasyryn syrlaryn anyqtaýǵa kómektesedi
ASTANA. KAZINFORM — Ónerkásip jáne qurylys mınıstrligi Ulttyq geologııalyq qyzmet jáne Astana Hub-pen birlesip geologııa salasyna jasandy ıntellekt tehnologııalaryn engizý jónindegi jobany praktıkalyq turǵyda iske asyrý kezeńine shyǵardy.
Bul týraly Ónerkásip jáne qurylys vıtse-mınıstri Jánnat Dúbirova málimdedi.
Joba boıynsha arhıvtik derekterdi mashınamen oqıtyn formatqa kóshirý úshin OCR tehnologııalary men zamanaýı tildik modelder qoldanylady.
Joba EPAM Kazakhstan kompanııasynyń qatysýymen júzege asyrylyp jatyr. Sonymen qatar tehnologııalyq ınfraqurylymdy qamtamasyz etý úshin otandyq QazTech jáne AlemCloud platformalary da atsalysyp otyr.
Osy bastama aıasynda mamandar Data Science quraldary boıynsha oqytylýda, qurylymdalǵan derekter bazasy jasalyp jatyr, sonymen qatar GIS-irikteýden ótken qurylymdalǵan derekter bazasy, ınteraktıvti karta men ıntellektýaldy chat-bot ázirlenedi.
— Bizdiń maqsatymyz — ıntellektti «geolog sııaqty oılaýǵa» úırete otyryp, ken oryndarynyń jasyryn syrlaryn anyqtaýǵa qoldaný, — dedi J.Dúbirova.
Osyǵan deıin Ónerkásip mınıstri jasyryn ken oryndaryn izdeý úshin ınnovatsııalyq ádis qoldanylatynyn aıtty.
