JI Qazaqstandaǵy eńbek salasyn qalaı ózgertedi

ASTANA. KAZINFORM — Ǵylym jáne joǵary bilim vıtse-mınıstri Gúlzat Kóbenova  jasandy ıntellekt Qazaqstandaǵy jumyspen qamtý salasyn qanshalyqty ózgertetinin aıtyp berdi.

Onyń aıtýynsha, 31 qazanda QS prezıdenti jáne negizin qalaýshy Nýntsıo Kvakvarellı «Qazaqstan – akademııalyq bilim aýmaǵy» atty Strategııalyq seriktester forýmynda elimizdiń eńbek salasyna jasalǵan taldaýyn tanystyrǵan.

– Boljam boıynsha, jasandy ıntellekt Qazaqstandaǵy jumyspen qamtý salasyn aıtarlyqtaı ózgertedi. 2035 jylǵa qaraı mamandyqtardyń 53%-yna deıin ishinara avtomattandyrylady – eń aldymen kúndelikti qaıtalanatyn tapsyrmalar kóp oryndalatyn býhgalterııa, qarjy, logıstıka jáne ákimshilik jumys salalarynda, – dedi G.Kóbenova Ortalyq kommýnıkatsııalar qyzmetinde ótken brıfıngide.

Sonymen birge JI arqasynda tehnologııa, energetıka, medıtsına, derekter týraly ǵylym jáne kreatıvti ındýstrııalarda jumys oryndarynyń 70%-yna deıin tıimdirek bolýy múmkin.

Sondyqtan derekterdi taldaý, mashınalyq oqytý, tsıfrlyq ınjenerııa, kıberqaýipsizdik mamandaryna jáne tehnıkalyq ári taldaý daǵdylary qatar qajet bolatyn jańa aralas mamandyqtarǵa suranys artady.

– Halyqaralyq zertteýler JI jumyspen qamtýdy tikeleı qysqartpaıtynyn, biraq eńbek mazmunyn ózgertetinin rastaıdy. Taldaý kórsetkendeı, iri bıznes tsıfrlandyrýǵa, avtomattandyrýǵa jáne JI-di engizýge joǵary daıyndyq tanytyp otyr. Olar qazirdiń ózinde ishki zertteý ortalyqtaryn, derekter bazasy keńselerin quryp, mashınalyq oqytýdy engizip jatyr. Sondaı-aq AI-mamandaryna, data-analıtıkterge, tsıfrlyq arhıtektorlarǵa, tehnologııalyq protsesterdi avtomattandyrýdy qoldaý ınjenerlerine suranys bildirip otyr, – dedi vıtse-mınıstr.

Sondyqtan iri bıznes kadrlar daıarlaýǵa belsendirek qatysa bastady. Máselen, kásiporyndar joǵary oqý oryndarynda óz zerthanalaryn quryp, stýdentterge grant bóledi

Aıta keteıik, OpenAI Qazaqstannyń 165 myń pedagogine tegin lıtsenzııa beretin boldy.

Sondaı-aq, Qazaqstanda 385 mamandyq joıylyp barady.